TOP

Atendeka ey'okubaka mumativu

By

Added 22nd October 2019

She Cranes eri mu mpaka za Afrika e South Afrika era ebadde ekolerera waakiri emalire mu kifo ekyokusatu.

 Jesca Achan owa She Cranes

Jesca Achan owa She Cranes

OMUTENDESI wa ttiimu y'eggwanga ey'okubaka eya She Cranes, Rashid Mubiru atenderezza abawala be yatutte mu mpaka z'okubaka eza 'African Netball Championship, olw'omutindo omulungi gwe boolesezza. Leero ku Lwokubiri, baakubye Kenya.

She Cranes yasitula ku Mmande ya wiiki ewedde okugenda mu Cape Town ekya South Africa empaka zino gye zibadde, ng'ekigendererwa kyali kya kweddiza kikopo kino omulundi ogwokusatu ogw'omuddiring'anwa wabula yamalidde mu kifo kyakusatu n'obubonero 8 mu nzannya mukaaga.

Mubiru agamba nti ttiimu gye yatutte ebadde y'abaana bato era bakoze bulungi okusinziira ku njawulo ya ggoolo gye baataddewo nga bazannya ensi nga South Afrika ne Malawi ezibadde ezisinga amaanyi.

"Mu World Cup e Bungereza, South Afrika yatukuba 67-40, Malawi yatukuba 55-44, omulundi guno tetubadde na bassiniya baffe naye batukubye n'enjawulo ntono ddala, nzikiriza eno ttiimu ekoze bulungi, era tugenda kwongera egizimba mujja kugiwulira," Mubiru bwe yategeezezza.

 mutendesi ubiru ngawa abazannyi ebiragiro Omutendesi Mubiru ng'awa abazannyi ebiragiro

 

Enzannya za Uganda, yawangudde Zambia (67-33), Lesotho (98-24), Kenya (61-42) ate n'efuna n'obubonero 2 wamu n'eggoolo 60 oluvannyuma lwa Zimbabwe gye yali erina okuzannya nayo ku lunaku olusooka okutuuka ekikeerezi ng'obudde bw'okwezannya buyiseeko.

South Afrika ye yatutte ekikopo kino omulundi gwayo ogusoose bwe yakung'anyizza obubonero 12 mu nzannya 6 ate Malawi yakutte kyakubiri (10).

Bya Gerald Kikulwe

Emboozi z’omuwandiisi endala

Emboozi endala

Dr. Okello Kalule.

Omulimi by'olina okukola ok...

MU Uganda mulimu ebika by'ebinyeebwa ebisukka mu 26 nga buli kimu kisobola okudda kumpi mu buli kitundu kya ggwanga...

Kigoonya.

Nze nnindiridde buwanguzi -...

Bya Vivien Nakitende Angella Kigoonya Namyalo eyeesimbyewo ku bwameeya bwa munisipaali y'e Lubaga ku kaadi ya...

Mberaze aleebya Ssebuggwaawo.

Ebya Mmeeya Ssebuggwaawo bi...

We buzibidde ng'okubala obululu mu bitundu bya Lubaga South eby'enjawulo kulaga nga Munna NUP, Zachy Mawula Mberaze...

Nga bateeka omulambo gwa Bisaka (ku ddyo) mu nnyonyi okugutwala e kapyemi. Eyeeyita Katonda alese ebyafaayo.

Eyeeyita Katonda alese ebya...

ENTEEKATEEKA z'okuziika Owobushobozi Bisaka ziri mu ggiya. Omulambo gwe okuva e Nairobi gwaleeteddwa mu nnyonyi...

Ggaadi eziwedde okukola.

Okwokya ggaadi za bodaboda ...

BW'OZITUNUULIRA kungulu oyinza okulowooza nti ziggyibwa bweru wa ggwanga olw'endabika yaazo ennungi. Ggaadi zino...