TOP
  • Home
  • Mupiira
  • Eya Libya esubizza Proline obukadde 990 bwe ddu! Kyenkana akawumbi kalamba kagiyise mu ngalo

Eya Libya esubizza Proline obukadde 990 bwe ddu! Kyenkana akawumbi kalamba kagiyise mu ngalo

Added 3rd November 2019

Eya Libya esubizza Proline FC obukadde 990 bwe ddu! Kyenkana akawumbi kagiyise mu ngalo

Proline 0-2 Al Nasser (Libya)

Omugatte; (Al Nasser 4-2 Proline)

PROLINE FC ereese Bannayuganda emitaafu n'okufuluma ekisaawe ky'e Lugogo nga beesooza bw'ewanguddwa kiraabu ya Libya n'esubwa ne ssente obukadde 990 be ddu.

Al Nasser FC ye yannyogozza Proline bwe yagikubye ggoolo 2-0 ne yeesogga enzannya z'ebibinja bya ttiimu omunaana mu CAF Confederation Cup. Bano era baayiseemu doola 275,000 (eza Uganda obukadde 990), CAF ze yassaawo eri buli ttiimu egenda mu mpaka z'ebibinja.

Proline, eyazze eyagala amaliri agataweza ggoolo bbiri okuyitamu olw'ogwasooka ogwali e Misiri okuggwa ggoolo 2-2, embeera yagitabuseeko Khalid Almaryami bwe yakedde okugiteeba mu ddakiika eyookuna.

Okuva wano yalumbye obutasalako ng'aba ba Al Nasser bakuumye butiriribi Hamis ‘Diego' Kiiza era ennumba nnyingi zaagudde butaka. Yakubye ku muti enfunda bbiri ng'abagenyi bwe beerwaza okutwaliriza obudde.

Omutendesi Matia Lule eyayimiridde omupiira gwonna, yaleese Allan Egaku ne Joshau

Okiror kyokka nga Proline enyigiriza, ate Ibrahim Osama yasindise ennyanda okuva mu yaadi nga 40 n'enywa ekisaawe ne kisiriikirira.

Eggulo, KCCA yattunse ne Paradou mu Algeria. Baalemagana 0-0 e Lugogo.

More From The Author

Emboozi z’omuwandiisi endala

Emboozi endala

Omuyimbi Pia Pounds yeekokk...

Sheilah Gashumba kirabika kati ye yeekwatiramu mu kukuba ebifaananyi

Malokwezza ne mukazi nga bajaganya

Tofiri Malokweza (92): Ayog...

Bw’OLABA omuntu ow’emyaka 92 tolemwa kutendereza Katonda ate ng’eno bwe weebuuza ekyama kye ekimusobozesezza okuwangaala....

Ziza Bafana

Ziza Bafana akubye oluyimba...

OMUYIMBI Ziza Bafana akaaba lwa bizibu na mabanja ge yaguddemu oluvannyuma lw’okumukwata ng’ava okuyimba e Tanzania....

Eyamezze abawanvu mu kamyuf...

OMUYIMBI Ziza Bafana akaaba lwa bizibu na mabanja ge yaguddemu oluvannyuma lw’okumukwata ng’ava okuyimba e Tanzania....

Eyamezze abawanvu mu kamyuf...

MARTIN Dorcus Mbabazi agamba nti ababadde bamuyita ekidomola oba ekikere olw’enkula ye kye kiseera bategeere amaanyi...