TOP
  • Home
  • Ebyemizannyo
  • KCCFC yesasulizza ku Police oluvannyuma lw'okuwanduka mu za CAF

KCCFC yesasulizza ku Police oluvannyuma lw'okuwanduka mu za CAF

Added 10th November 2019

KCCFC yesasulizza ku Police oluvannyuma lw'okuwanduka mu za CAF

Ebibadde mu Liigi ya Super:

Lwamukaaga:

BUL 3-0 Mbarara City

KCCA FC 3-2 Police

Soana 1-1 Proline FC

Bright Stars 0-1 SC Villa

KCCA FC oluwanduse mu mpaka za Africa ez'okusunsula abanaazannya ebibinja bya Champions League obusungu ebuzzizza ku Police FC gy'ekubye ggoolo 3-2 ku kisaawe kya Star Times e Lugogo.

Abawagizi, abakungu n'abatendesi ba KCCA basoose kunnyogoga Police bw'esoose okugikulembera 2-0 eziteebeddwa Ben Ocen ne Pius Kaggwa wabula Jackson Nunda n'akkakanya embera bwe yateebedde KCCA esooka ne guwummula nga bali 2-1.

Mu kitundu eykyokubiri Nunda yateebye eyokubiri ate Erisa Sekisambu eyasikidde Mike Mutyaba n'ateeba eyokusatu abawagizi ne bajaganya.

Wabula Nunda yasubizza KCCA eyandibadde ggoolo eyokuna bwe yalemeddwa okuteeba peneti kwe yabadde anoonyeza ggolo ssatu okutwala omupiira gwe baabadde basamba okusinziira ku kalombolombo ka FIFA.

Omukwasi wa ggoolo ya Police FC Davis Mutebi yamuzize w'agenda okukuba n'agukwata.

Obuwanguzi butadde BUL mu kyokubiri ku kimeeza kya liigi ku bubonero 27 mu mipiira 13, SC Villa mu kyokusatu ku bubonero 23 mu mipiira 12 ne KCCA mu kyomukaaga ku bubonero 18 mu mipiira munaana.

Proline ekyakoobedde ku kimeeza n'akabonero kamu mu mipiira mwenda, Police n'eddako ku bubonero butaano mu mipiira 12 ne Bright Stars n'eddako ku bubonero 10 mu mipiira 13

More From The Author

Emboozi z’omuwandiisi endala

Emboozi endala

Omusango gwa Kibalama gulek...

OMUSANGO gwa Moses Kibalama ogw’obwannanyini bw’ekibiina kya NUP gwakusalwa nga October 16. Kyokka we banaagusalira...

Kibalama

Kibalama ayogedde lwaki yak...

EYALI Pulezidenti w’ekibiina kya National Unity and Reconciliation Party (NURP) Moses Nkonge Kibalama, agamba nti...

Owa North Korea yejjusizza ...

AMAGYE ga North Korea okutta munnansi wa South Korea gwe baasanze abuuse ensalo ng’ali mu mazzi gaabwe biranze....

Omukungu wa Twaweza ng'annyonnyola

Aba Twaweza bafulumizza ali...

LEERO Mande September 28, 2020 giweze emyaka 15 nga Uganda eyisizza etteeka erikkiriza abantu okufuna amawulire...

Amaka ga Seya Sebaggala

Seya alese omukululo mu byo...

EBYOBUFUZI ebyali bibuutikiddwa abayivu, Seya yabikyusa n’abiyingizaamu n’abantu ba wansi abaali beerabiddwa.