TOP

Corona Virus ereeseewo okutya mu nkambi y'okubaka

Added 18th March 2020

Corona Virus ereeseewo okutya mu nkambi y'okubaka

Bya Gerald Kikulwe

EKIBIINA ekifuga omuzannyo gw'okubaka mu ggwanga ekya Uganda Netball Federation(UNF) kifunye okwekanga oluvannyuma lwa Kenya okulangirira nga bw'etegenda kwetaba mu mpaka za East African Club Championship.

Uganda be bategesi b'empaka zino era nga zisuubirwa okubeera mu MTN Arena e Lugogo ku wiikendi eno,zaakwetabwamu ttiimu empanguzi ku lukalu lw'obuvanjuba bw'Afrika(Kenya, Tanzania, Zanzibar ne Uganda).

Olw'ekirwadde kya Coronavirus, Kenya yavudde mu mpaka zino ekireeseewo obweralikirivu eri abategesi nti n'amawanga amalala gandyefuula ne gatajja ekiyinza okubayingiramu kuba babadde bamaze okusasula buli ekyetaagisa empaka zino okuzannyibwa.

Wilberforce Mutete ayogerera ekibiina ky'okubaka mu ggwanga agamba nti enteekateeka zonna zibadde ziwedde wabula bali mu kutya ssinga empaka zino tezibaawo okuva Kenya bw'evuddemu.

 

"Bulijjo ensi emu bw'evaamu tekigaana ndala kuzannya, naye obweraliikirivu we buli, n'abalala bayinza obutajja, naye ttiimu zaffe zigenda mu maaso n'okutendekebwa," Mutete bwe yategeezezza.

Agattako nti eggulo(Lwakubiri) yasobodde okwogerako  ne ssaabawandiisi wa Zanzibar ku ssimu n'amugamba nti nabo tebamanyi oba banajja naye nga ttiimu zaabwe ziri mukutendekebwa .

"Ttiimu zonna tuzisuubira okuba nga zituuse wano obutasussa Lwakutaano, bwe lunaazibira enkya(Lwakuna) tujja kuba tumanyi ekituufu.

Ttiimu za Uganda okuli; KCCA, Police, UPDF, Prison ne NIC abalina ekikopo kinoze zisuubirwa okwetabamu

More From The Author

Emboozi z’omuwandiisi endala

Emboozi endala

Loodi Meeya Erias Lukwago ngakyazizza dayirekita wa Kampala omuggya, Dorothy Kisaka

Loodi meeya akyazzizza dayi...

  Ababiri basoose mu kafubo mu ofiisi za Loodi Meeya okumala essaawa bbiri nga bateesa. Lukwago yamwanjulidde...

Gav't etandise okugabira Ba...

GAVUMENTI etandise okugabira Bannakampala masiki eziyamba okutangira ssenyiga omukambwe kyokka abamu ku ba LC abaazikwasiddwa...

Kazinda ng'aleeteddwa mu kkooti

Kazinda ayolekedde okuyimbu...

EYALI omubalirizi omukulu mu ofiisi ya Katikkiro wa Uganda Geoffrey Kazinda ayolekedde okuyimbulwa mu kkomera e...

Kitatta ng'ali mu kaguli ka kkooti

Abudallah Kitatta ayimbuddw...

Hajji Abudallah Kitatta eyali omuyima wa bodaboda 2010 ayimbuddwa okuva mu kkomera gy'amaze emyaka 3.

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...