TOP
  • Home
  • Ebyemizannyo
  • Abazannyi ba Cranes babawadde ebiragiro okutangira Corona Virus

Abazannyi ba Cranes babawadde ebiragiro okutangira Corona Virus

Added 18th March 2020

Abazannyi ba Cranes babawadde ebiragiro okutangira Corona Virus

 Omutendesi wa Cranes, Johnathan McKinstry ng’awa abazannyi ebiragiro gye buvuddeko.

Omutendesi wa Cranes, Johnathan McKinstry ng’awa abazannyi ebiragiro gye buvuddeko.

MU kaweefube w'okutangira ekirwadde kya coronavirus okuyingira mu nkambi ya Cranes, abazannyi n'abatendesi babataddeko amateeka amakakali. Cranes eyeetegekera empaka za CHAN ezisuubirwa e Cameroon omwezi ogujja, esuzibwa mu Cranes Paradise Hotel e Kisaasi n'oluvannyuma n'etendekerwa ku kisaawe kya GEMS Cambridge International School e Butabika.

Agava mu nkambi galaga nti FUFA ng'ekolera ku biragiro bya minisitule y'ebyobulamu, yasazeewo ku buli luggi lw'akasenge abazannyi mwe basula, waliwo obucupa omuli eddagala eritta obuwuka nga buli muzannyi alina okusooka okubukozesa okuziyiza coronavirusKuno baayongeddeko obutakkiriza buli muntu kuyingira mu nkambi okuggyako nga wa nkizo nnyo ku ttiimu eno ate nga naye agondera ebiragiro bino. Okwekwata mu ngalo nakwo kuwereddwa ng'omuzannyi bw'aba abuuza munne, akozesa 'kubonga'.

Embuuza y'okwegwa mu kifuba nayo yagaaniddwa nga kati abamu bakozesa bubonero (ssayini). Omuzannyi omu ataayagadde kumwatuukiriza mannya, yategeezezza nti baasoose kukaluubirirwa nga beerabira ne bakwatagana mu ngalo nti kyokka kati embeera bagimanyidde era tebagirinaako buzibu.

"Oli ne bw'ateeba, buli omu asanyukira w'ali nga tewali kwegwa mu kifuba nga bwe kibadde nga bino tebinnabaawo," omuzannyi wa Cranes bwe yakkaatirizza. Omwogezi wa FUFA, Ahmed Hussein yakakasizza nti embeera eno mu nkambi ya Cranes n'agattako nti, "Abazannyi bonna bagoberera bulungi ebiragiro.

Ebiragiro bya Gavumenti buli muntu by'ateekwa okussa mu nkola. Naffe twaddukiddewo okugula ebikozesebwa okulaba nga tutangira abazannyi baffe okukwatibwa ekirwadde kino." Wiiki wedde, CAF, ekibiina ekiddukanya omupiira mu Afrika kyayimirizza emipiira gy'okusunsulamu egy'empaka za Afrika lwa coronavirus kweyongera kusasaana mu nsi.

Cranes ebadde ekyaza South Sudan nga March 28 e Namboole baddihhane nga April 2. MOROCCO EBIVUDDEMU Bakyampiyoni b'empaka za CHAN, Morocco baalangiridde nga bwe bavudde mu mpaka zino ezirina okuzannyibwa e Cameroon wakati wa April 5-25. Wabula FUFA yagaanyi okusattulula enkambi ya Cranes okutuusa nga CAF egibuulidde ekiddako ku mpaka za CHAN

More From The Author

Emboozi z’omuwandiisi endala

Emboozi endala

Embiranye ku kifo ky'obwap...

OKUNOONYEREZA okukoleddwa Vision Group kuzudde nti okuvuganya mu bitundu bya Uganda kusinga mu Buganda, wakati...

Hosyn Kiiza oluusi eyeeyita Farouk asindikiddwa mu kkomera e Kitalya

Farouk bba wa Julie Underwo...

BBA wa munnakatemba Julie Underwood azannya nga Sharon mu ba Ebonies, Hosyn Kiiza oluusi eyeeyita Farouk asindikiddwa...

Isima Mutagaya

Owa Mobile Money asindikidd...

KKOOTI ya Buganda Road esindise omukozi wa Mobile money mu kkomera e Kitalya nga kigambibwa nti yabba ssente obukadde...

Kasasa

Kkooti egobye okusaba kw'ab...

KKOOTI Enkulu ey’ebyettaka egobye okusaba kw’abaana ba Sekabaka Muteesa mwe babadde baagalira okubakkiriza okujulira...

Pte Asiimwe (ku kkono), Pte Mugabi, 2Lt Kasmula ne 2Lt Ankunda mu kaguli ka kkooti gye baavunaaniddwa n’abaserikale ba poliisi e Makindye.

Boofiisa basimbiddwa mu kko...

BOOFIISA ba poliisi basimbiddwa mu kkooti y’amagye ne bavunaanibwa okusomola ebyama bya Gavumenti ne babigabira...