TOP

Omupiira gwampa Obwameeya - Ssennyondo

Added 23rd June 2020

Ssennyondo ng'akutte ekifaananyi ekyamukubwa nga Kabaka amukwata mu ngalo.

Ssennyondo ng'akutte ekifaananyi ekyamukubwa nga Kabaka amukwata mu ngalo.

OMUPIIRA nnaguzannyako mu gy'e 70 okuviira ddala mu pulayimale e Bukulula ne Biikira SS, era ngweyitira muzzahhanda. Ngwenyumirizaamu nnyo kubanga gwe gwannyamba okuyingira Kampala nga nva e Masaka.

Nga mmalirizza S4, mukulu wange, omugenzi Fred Kizza, eyali akulira poliisi ku mulembe gwa Obote, yasalawo okuntwala e Kampala nkole nga bwe nzannya.

Nagutandikira mu ttiimu ya Co-operatives ng'entendekerwa ku Old Kampala SS. Okuva bwe nalina kkono 'alebera', namalayo akaseera katono UCB n'entwala.

Eno nayo ssaabandaalayo ne nneegatta ku Coffee SC. Eno nafuna omukisa okuzannya nga bwe nkolera ekitongole kye kimu, nga tuli ne Sam Timbe eyali ggoolokipa.

Nasookera mu kitongole kya kukuuma biwandiiko bakama bange ne bankuza okutuuka lwe bansaba obudde obusinga mbusse ku mirimu. Olw'okuba omupiira nali nkyagwagala, nasalawo okuguwagiza amaanyi gange gonna.

Ttiimu ze mpagidde kuliko; Co-operatives, Coffee ne Villa. Kyalinga kizibu okusubwa omupiira kubanga abaagusambako twagulabiranga bwereere. Okwambala obulungi kyannyanguyiza obulamu ne kimpa ettutumu lye ssaafuna nga nsamba.

Natuulanga n'abakungu mu paviriyoni kubanga teri muserikale yali asobola kunnyimiriza nga ndabika ng'owoobuvunaanyizibwa, era kyampa omukisa okumanya ebikonge mu Gavumenti ne mu mupiira okugeza abaaliko abakulembeze ba FUFA; Denis Obua, John Ssemanobe, Dr. Lawrence Mulindwa, omugenzi John Ssebaana Kizito, ssaako Ying. Moses Magogo aliko mu kiseera kino.

BYE NFUNYE MU MUPIIRA EMBAGA

Siyinza kwerabira mwaka gwa 1978 aba Coffee mwe bankolera embaga makeke nga mpasa kabiite wange Dorothy Ssennyondo! Ebiseera ebyo byali bizibu nnyo olw'entalo ezaaliwo, naye abakulu okuva mu Coffee banfunira paatulo z'amagye ezamperekera n'abagenyi bange okuviira ddala mu Lutikko.

Tuzadde abaana 10, naye mwenda be balamu.

OKUVUGA BBAASI YA CRANES

Olw'okuba nali muwagizi lukulwe, kyabanga kizibu amawulire gonna okuva mu FUFA okumpitako. Baali bankazaako lya 'Obua' olw'okubeera ennyo ku lusegere lw'omugenzi Denis Obua.

Muno mwe nategeerera nga bwe baali banoonya ddereeva wa bbaasi ya Cranes, ne mbagamba nga bwe nalina ppamiti ensobozesa okukola omulimu ogwo era baagumpa.

OKUSIIMIBWA KABAKA

Kabaka aba agenda mu Lubiri lwe e Nkoni mu 2018, yasanga abantu bangi bamulinze e Lukaya, n'avaamu ababuuzeeko. Nali omu ku batono be yakwata mu ngalo naye ekyasinga okunsanyusa, baba bannyajula n'abagamba nti, "Ono Ssennyondo mmumanyi wa mupiira nnyo ate era Meeya." N'omukumi we namulaba nga yeewuunyizza!

OKWOGERERA ABAWAGIZI BA VILLA

Ekyasinga okunsanyusa ku bukulembeze buno y'engeri bakama bange bonna gye bampangamu ekitiibwa. Bampitanga 'Mr. Speaker Sir' ne nfa essanyu era nga buli kye nteesa bakiwuliriza.

OKULINNYA ENNYONYI

Nninnye ennyonyi okugenda okuwagira Cranes. Olumu omubaka Muhammad Nsereko (Kampala Central), yatusasulira ne tugenda e South Afrika, era sirirwerabira.

EMIKWANO

Mbadde ku lusegere lw'abakungu b'omupira era ne tuggyamu omukwano. Mulimu; Dr. Mulindwa, era olw'omukwano ogwo bwe namutwalira omugenzi Jimmy Kirunda yakkiriza okumuwa omulimu. Yali akkirizza n'okutugulira abaagusambako ettaka kyokka obutakwatagana ne kukiremesa.

EBYOBUFUZI

Obuwagizi bwampa ettutumu n'okwagalwa mu bantu okuviira ddala ewaffe e Lukaya. Olw'okuba nali nkolaganyeeko n'abantu ab'enjawulo ate nga nneeyisa mu ngeri ya buvunaanyizibwa, abantu b'e Lukaya bannonda ku Bwammeeya bwe nneesimbawo mu 2011 omulundi ogwasooka, ne bannyongera n'ekisanja ekirala mu 2016.

Ebbanga ettono lye namala nga nsamba omupiira lyanfuula omwesimbu mu buli kye nkola nga nakiggya ku batendesi abaayitanga ensobi ensobi, n'ekirungu ekirungi. Abantu bankazaako erya 'Kikyamu' olw'okubeera nnaamwatulira kubanga ekintu nkyogera nga bwe nkirabye.

EKYANZIGYA KU KUWAGIRA

Edda okuwagira omupiira kwalimu ebbugumu lya maanyi nga n'abawagizi bagutwala okuba entabaluganda. Omuwagzi yenna bwe yafunanga obuzibu nga banne bonna basitukiramu, ekitakyaliwo.

Effujjo mu bawagizi eryasinga okuva mu bannannyini ttiimu olw'okwagala ennyo ssente ne batuuka n'okukissa mu bawagizi nti omupiira gwa kufa na kuwona, oteekwa okuwangula.

Abawagizi baatandika okulwanagana, sso nga luli baali bakolagana bulungi. Ebikolwa ebyo bye byasinga okuntamya okuwagira omupiira nga ntya okufiira mu kavuyo ate nga nnina obuvunaanyizibwa eri famire yange ne be nkulembera.

EBISSE OMUPIIRA

lWaliwo obunafu mu nzirukanya y'omupiira obusaana okutunulwamu bwe guba gwakuddayo ku ttutumu lye gwaliko. Luli ng'abakulembeze bafaayo, ekikyataliwo. Abaagusambako basaanye beenyigire mu kugukulembera kubanga bamanyi bulungi gye guvudde.

lOkweyagaliza n'okwagala ssente kususse. Abakulembera omupiira baagufuula mulimu mwe baggya ssente. Pulezidenti Museveni asaanye akole ebikwekweto mu bitongole by'omupiira nga bw'azze akola mu bya Gavumenti kubanga ensimbi nnyingi zitwalibwa abantu ssekinnoomu.

OMUPIIRA nnaguzannyako
mu gy'e 70 okuviira
ddala mu pulayimale
e Bukulula ne Biikira
SS, era ngweyitira muzzahhanda.
Ngwenyumirizaamu nnyo kubanga
gwe gwannyamba okuyingira
Kampala nga nva e Masaka. Nga
mmalirizza S4, mukulu wange,
omugenzi Fred Kizza, eyali akulira
poliisi ku mulembe gwa Obote,
yasalawo okuntwala e Kampala
nkole nga bwe nzannya.
Nagutandikira mu ttiimu ya
Co-operatives ng'entendekerwa
ku Old Kampala SS. Okuva bwe
nalina kkono 'alebera', namalayo
akaseera katono UCB n'entwala.
Eno nayo ssaabandaalayo ne
nneegatta ku Coffee SC.
Eno nafuna omukisa okuzannya
nga bwe nkolera ekitongole
kye kimu, nga tuli ne Sam Timbe
eyali ggoolokipa. Nasookera mu
kitongole kya kukuuma biwandiiko
bakama bange ne bankuza
okutuuka lwe bansaba obudde
obusinga mbusse ku mirimu.
Olw'okuba omupiira nali nkyagwagala,
nasalawo okuguwagiza
amaanyi gange gonna. Ttiimu ze
mpagidde kuliko; Co-operatives,
Coffee ne Villa. Kyalinga kizibu
okusubwa omupiira kubanga
abaagusambako twagulabiranga
bwereere.
Okwambala obulungi kyannyanguyiza
obulamu ne
kimpa ettutumu lye ssaafuna
nga nsamba. Natuulanga
n'abakungu mu paviriyoni
kubanga teri muserikale yali asobola
kunnyimiriza nga ndabika
ng'owoobuvunaanyizibwa, era
kyampa omukisa okumanya
ebikonge mu Gavumenti ne mu
mupiira okugeza abaaliko abakulembeze
ba FUFA; Denis Obua,
John Ssemanobe, Dr. Lawrence
Mulindwa, omugenzi John Ssebaana
Kizito, ssaako Ying. Moses
Magogo aliko mu kiseera kino.
BYE NFUNYE MU MUPIIRA
EMBAGA
Siyinza kwerabira mwaka gwa
1978 aba Coffee mwe bankolera
embaga makeke nga mpasa kabiite
wange Dorothy Ssennyondo!
Ebiseera ebyo byali bizibu
nnyo olw'entalo ezaaliwo,
naye abakulu okuva mu
Coffee banfunira paatulo
z'amagye ezamperekera
n'abagenyi bange okuviira
ddala mu Lutikko. Tuzadde
abaana 10, naye mwenda
be balamu.
OKUVUGA BBAASI YA CRANES
Olw'okuba nali muwagizi
lukulwe, kyabanga kizibu
amawulire gonna okuva mu FUFA
okumpitako. Baali bankazaako
lya 'Obua' olw'okubeera ennyo
ku lusegere lw'omugenzi Denis
Obua. Muno mwe nategeerera
nga bwe baali banoonya ddereeva
wa bbaasi ya Cranes, ne
mbagamba nga bwe nalina
ppamiti ensobozesa okukola
omulimu ogwo era baagumpa.
OKUSIIMIBWA KABAKA
Kabaka aba agenda mu Lubiri
lwe e Nkoni mu 2018, yasanga
abantu bangi bamulinze e Lukaya,
n'avaamu ababuuzeeko. Nali
omu ku batono be yakwata mu
ngalo naye ekyasinga okunsanyusa,
baba bannyajula n'abagamba
nti, "Ono Ssennyondo mmumanyi
wa mupiira nnyo ate era Meeya."
N'omukumi we namulaba nga
yeewuunyizza!
OKWOGERERA ABAWAGIZI BA VILLA
Ekyasinga okunsanyusa ku bukulembeze
buno y'engeri bakama
bange bonna gye bampangamu
ekitiibwa. Bampitanga 'Mr. Speaker
Sir' ne nfa essanyu era nga buli
kye nteesa bakiwuliriza.
OKULINNYA ENNYONYI
Nninnye ennyonyi okugenda okuwagira
Cranes. Olumu omubaka
Muhammad Nsereko (Kampala
Central), yatusasulira ne tugenda
e South Afrika, era sirirwerabira.
EMIKWANO
Mbadde ku lusegere lw'abakungu
b'omupira era ne tuggyamu
omukwano. Mulimu; Dr. Mulindwa,
era olw'omukwano ogwo
bwe namutwalira omugenzi
Jimmy Kirunda yakkiriza okumuwa
omulimu. Yali akkirizza
n'okutugulira abaagusambako
ettaka kyokka obutakwatagana
ne kukiremesa.
EBYOBUFUZI
Obuwagizi bwampa ettutumu
n'okwagalwa mu bantu okuviira
ddala ewaffe e Lukaya.
Olw'okuba nali nkolaganyeeko
n'abantu ab'enjawulo ate nga
nneeyisa mu ngeri ya buvunaanyizibwa,
abantu b'e Lukaya
bannonda ku Bwammeeya bwe
nneesimbawo mu 2011 omulundi
ogwasooka, ne bannyongera
n'ekisanja ekirala mu 2016.
Ebbanga ettono lye namala nga
nsamba omupiira lyanfuula omwesimbu
mu buli kye nkola nga
nakiggya ku batendesi abaayitanga
ensobi ensobi, n'ekirungu
ekirungi. Abantu bankazaako
erya 'Kikyamu' olw'okubeera
nnaamwatulira kubanga ekintu
nkyogera nga bwe nkirabye.
EKYANZIGYA KU KUWAGIRA
Edda okuwagira omupiira
kwalimu ebbugumu lya maanyi
nga n'abawagizi bagutwala
okuba entabaluganda. Omuwagzi
yenna bwe yafunanga obuzibu
nga banne bonna basitukiramu,
ekitakyaliwo.
Effujjo mu bawagizi eryasinga
okuva mu bannannyini ttiimu
olw'okwagala ennyo ssente ne
batuuka n'okukissa mu bawagizi
nti omupiira gwa kufa na kuwona,
oteekwa okuwangula. Abawagizi
baatandika okulwanagana, sso
nga luli baali bakolagana bulungi.
Ebikolwa ebyo bye byasinga
okuntamya okuwagira omupiira
nga ntya okufiira mu kavuyo ate
nga nnina obuvunaanyizibwa eri
famire yange ne be nkulembera.
EBISSE OMUPIIRA
lWaliwo obunafu mu nzirukanya
y'omupiira obusaana okutunulwamu
bwe guba gwakuddayo
ku ttutumu lye gwaliko.
Luli ng'abakulembeze bafaayo,
ekikyataliwo. Abaagusambako
basaanye beenyigire mu kugukulembera
kubanga bamanyi
bulungi gye guvudde.
lOkweyagaliza n'okwagala
ssente kususse. Abakulembera
omupiira baagufuula mulimu
mwe baggya ssente. Pulezidenti
Museveni asaanye akole ebikwekweto
mu bitongole by'omupiira
nga bw'azze akola mu bya Gavumenti
kubanga ensimbi nnyingi
zitwalibwa abantu ssekinnoomu.

More From The Author

Emboozi z’omuwandiisi endala

Emboozi endala

Adam Mulwana eyayimba Toka kwa Balabala.

Eyakubira Besigye oluyimba ...

MUSAJJA wa Dr. Kiiza Besigye, Adam Mulwana eyamuyimbira oluyimba lwa “Toka kwa bala bala” lwe yakozesa mu kulonda...

Nabilah ng’alaga empapula ze. Ku ddyo, Nabilah ng’alaga empapula ze.

Ensonga lwaki aba Nabilah b...

ABAWAGIZI ba Erias Lukwago abaabadde mu mijoozi gya FDC baawalabanyizza Nabilah Naggayi n’abawagizi nga bwe babagamba...

Akeedi

Ziizino akeedi ezitatuusa b...

Abagagga bano abataayagadde kubaatuukiriza mannya baategeezezza nti, baabasindikidde obubaka ku ssimu nga babagamba...

Madoi

Wakiso Giants egoba bw'eyin...

WAKISO Giants FC mu liigi ya babinywera eyongedde okwenyweza nga yeetegekera sizoni ejja 2020/21 bw’ekansizza...

Vialli Bainomugisha

Onduparaka ereese Bainomugisha

ONDUPARAKA FC mu liigi ya babinywera etandise kaweefube w’okwetegekera sizoni ejja 2020/21 bw’ewaludde abadde omutendesi...