TOP
  • Home
  • Ebyemizannyo
  • Abazannyi okuwummulamu banywe ku mazzi mu Uganda tekyetaagisa

Abazannyi okuwummulamu banywe ku mazzi mu Uganda tekyetaagisa

Added 23rd June 2020

EMPAKA z'omupiira mu nsi yonna zirina okugoberera amateeka g'omuzannyo guno. Wabula buli kibiina ekiguddukanya mu buli ggwanga kirina obuyinza obukola amateeka agaddukanyizibwako empaka ez'enjawulo. Premier, z'empaka ze nkyalabye baddiifiri mwe batatiira kugatta ddakiika zoonooneddwa, ku zizannyiddwa.





Ebiseera ebisinga ng'omuzannyo gugenda okukyuka batera okugattako eddakiika nga bbiri oba okusingawo, wabula mu kitundu ekyokubiri batera kuva ku nnya okudda waggulu.

Mu bitabaddeewo ebyongeddwa mu kugatta eddakiika mu mpaka zino, y'eddakiika emu eyateereddwaamu okunywa ku mazzi okuweweeza ku mimiro gy'abazannyi. Kati wano we wali enjawulo ku mateeka agaddukanya empaka.

CAF ne FIFA, baasalawo eddakiika eno kukola luvannyuma lw'eddakiika 30 ate mu kitundu ekyokubiri, bazannyako eddakiika 15 ne baddamu okuyimiriza okwevubiriza ne baddamu okuzannya eddakiika 30.

Mu Bungereza baasazeewo kuyimiriza mu makkati ga buli kitundu (z'eddakiika nga 23 ne 68). Mu nsi omuli ebbugumu erisusse, abazannyi baweebwa okuva ku ddakiika emu n'ekitundu okutuuka ku ssatu, emibiri okukkakkanako. Kino kya njawulo n'eddakiika emu ey'okunywa ku mazzi.

Wano ewaffe, akakiiko akaddukanya empaka awamu n'aka baddiifiri, twakkaanya nti ago amateeka tetugeetaaga kuba tetulina kitundu mu ggwanga kirina bbugumu lisusse nga kyetaagisa okuyimiriza omuzannyo. Awo tuba ng'ababongera ekyejo.

Mu birala ebyongezesezza eddakiika mu muzannyo ng'obudde buweddeyo, mulimu, abazannyi okulumizibwa abasawo ne bayingira okubeekebejja, olumu n'okubafulumya, okukola sabusityuti, akaseera ddiifiri mw'alagira kaadi, abazannyi mwe bamalira obudde mu bugenderevu, ku bakozesa VAR, ezo nazo eddakiika zigattibwako.

Kye tulina okumanya nti eddakiika eziragibwa ddiifiri ow'oku katebe, ddiifiri owa wakati y'azisalawo era n'azimulaga. Ezo z'eddakiika entono ddala kw'atandikira okumaliriza omuzannyo.

Etteeka limukkiriza okuzongerako nga bw'aba alabye. Mu muzannyo ogwetaaga omuwanguzi, bwe guggwa amaliri ne gugenda mu 'extra time', eddakiika zonna ezizannyibwa, (ezitasukka 15 buli kitundu), ne wano etteeka ly'okugattako eddakiika, likozesebwa. alitomusange@yahoo.com 0772624258

More From The Author

Emboozi z’omuwandiisi endala

Emboozi endala

Achile (owookubiri ku kkono) ng’ayogera eri bannamawulire. Asooka ku kkono ye Kyomya ate owookubiri ku ddyo ye Mandera Nsubuga.

Aba NRM basabye poliisi obu...

ABAKULEMBEZE b'abavubuka mu kibiina kya NRM mu ggwanga bawanjagidde poliisi okukomya omuze ogw'okulemesanga Robert...

Bp. Lwanga mu kusabira omwoyo gw’omugenzi Nakaggwa. Mu ggomesi wakati ye Zziwa.

Bp. Lwanga avumiridde abeek...

SSAABASUMBA Dr. CyprianKizito Lwanga avumiridde abantu abeekalakaasa ekivaako okulumya abalala n'ategeeza nti balumya...

Bobi Wine ne Dan Magic mu ddwaaliro.

Omukuumi wa Bobi Wine ne Pu...

Pulezidenti w'ekibiina kya NUP alidde kkava ekintu ekibadde ng'esasi bwe kimuyise ku mutwe. Mu kiseera kino abadde...

Ivan Boogere

Yusuf Babu owa COBAP ng'atw...

Mu Afrika U20 Uganda 3-1 Kenya GGOOLO za Ivan Bogere (2) ne Kenneth Semakula zaayambye The Hippos okwesogga...

Yusuf Babu owa COBAP ng'atwalira Paul Kayondo (Lukanga) eng'uumi.

Liigi y'ebikonde ejulidde

EKIBIINA ekitwala omuzannyo gw'ebikonde mu ggwanga ekya Uganda Boxing Federation (UBF) kisazizzaamu liigi yaakyo....