TOP

Aba ttiimu y'essaza lya Gomba bali mu kutya

Added 1st July 2020

OLUVANNYUMA lw’ Essaza lya Gomba okusaasaanya ssente empitirivu mu kugula abazannyi, abakungu baalyo bafunyemu okutya n’okwekengera nti ssinga abawagizi bagaanibwa mu bisaawe ng’emipiira gitandise bandisanga akaseera akazibu.

Jackson Musisi kitunzi w'essaza lya Gomba ku kkono ng'akwasa Mansoor Kamoga obuvunaanyizibwa bw'essaza

Jackson Musisi kitunzi w'essaza lya Gomba ku kkono ng'akwasa Mansoor Kamoga obuvunaanyizibwa bw'essaza

Nga newankubadde ebyemizannyo bigenda biddamu mpola mpola okwetoloola ensi yonna, abawagizi babadde tebannakkirizibwa kuyingira bifo awazannyirwa emizannyo egy'enjawulo era nga kisuubirwa okuba bwe kityo ne wano mu ggwanga olw'okuziyiza okusaasaana kw'ekirwadde kya ssennyiga omukambwe ekireetebwa Corona Virus.

Gomba ly'Essaza elyakasinga okugula abasambi abangi mu kaweefube w'okwetegekera sizoni empya eya Airtel Masaza Cup 2020 nga baakasonjola abazannyi 20 okuli;

Martin Ssenkooto(MUBS), Sula Mpanga, Emmanuel Derrick Were(UCU), Henry Bishop Orom, Nasser Lukwago(UMU), Ponsiano Sseggonja, Ben Nambokoho, Abdallah Ssentongo, Joseph Bright Vuni, Amuli Mukasa, Hussein Grace Ssenoga, Ibrahim Kasinde, Bashir Lubinga, Sharif Nsereko, Richard Basangwa, Isaac Ogwanga, Nasif Kabuye ne Raymond Walugembe.

Ssentebe w'Essaza lya Gomba Mansoor Kabugo agamba nti omutima gw'emipiira gy'Amasaza be bawagizi,okugaddukanya obulungi geetaaga ssente mpitirivu era buli abawagizi bwe babaamu ebbugumu lyeyongera kw'ossa n'essente ezisoloozebwa ku mulyango.

"Obutabaamu bw'abawagizi mu bisaawe bwandiremesa emipiira gy'amasaza newankubadde agasinga gabadde gataddemu ssente nnyingi, wabula ekibuuzo kiri nti corona agenda kuggwaawo ddi?,"Kabugo bwe yategeezezza.

Wabula agattako nti bbo ng'Essaza beetegefu okwetabamu ssinga akakiiko akaddukanya Amasaza kalangirira ddi wegatandika.

Gomba be baakasinga okuwangula ekikopo ky'Amasaza emirundi emingi (2004, 2009, 2014 ne 2017)

More From The Author

Emboozi z’omuwandiisi endala

Emboozi endala

Kafeero eyakwatiddwa ne mukyala we.

Bakutte bana abatunda eddag...

ABANTU 4 okuli n’omusawo w'ebisolo bakwatiddwa mu kikwekweto ky’okufuuza abatunda eddagala ly’ebisolo ery'ebicupuli...

Omuserikale ng'ayingiza Mabaale  mu kaduukulu.

Eyateeze muliraanwa n'amute...

POLIISI y’e Mpigi ekutte omutuuze n’emuggalira lwa kukakkana ku muliraanwa we n’amutema ejjambiya ku nsingo n’ekigendererwa...

Asooka ku kkono ye mumyuka w'akulira yunivasite ya UCU, Prof. Aaron  Mushengyezi ate asooka (ku ddyo) ye Ndyanabo.

Vision Group enywezezza enk...

YUNIVASITE ya Uganda Christian University eyongedde okunyweza enkolagana yaayo ne Vision Group. Enkolagana eno...

Sipiika Jacob Oulanyah.

Omumyuka wa Sipiika wa Pala...

OMUMYUKA wa Sipiika wa Palamenti, Jacob Oulanyah era nga yeegwanyiza n’entebe ya Sipiika mu kisanja kya Palamenti...

Christine Luttu, Pulezidenti wa Rotary Club y'e Kololo ng'akwasa Charles Mugme (ku ddyo) engule.

Bannalotale basiimiddwa olw...

ABALOTALE ye Kololo basiimye abamu ku bammemba baabwe abakoleredde ennyo ekibiina kyabwe mu kutuusa obuweereza...