TOP

Mubiru atendeka Police FC avuddemu omwasi: 'Twagala bikopo'

Added 3rd August 2020

OMUTENDESI wa Police FC, Abdallah Mubiru, aweze nga sizoni ejja bw’alina okulaba nga ttiimu ye evuganya ku bikopo.

 Abdallah Mubiru ng'ayogerako n'abazannyi be

Abdallah Mubiru ng'ayogerako n'abazannyi be






Agamba nti okutuukliriza kino, batandikidde mu kusonjola abasambi abalina obumanyirivu balage bamusaayimuto ekkubo. Kuliko; Tonny Mawejje, Hassan Mohammed, Eric Ssenjobe ne ggoolokipa Tom Ikara, eyaakateeka omukono ku ndagaano.

"Sisitiimu Police kw'ebadde etambulira sizoni eziwedde yakyuse. Abamu babadde batunuulira ttiimu nga kimpenkyekubire naye sizoni ejja bagenda kutuwuliramu omusera kubanga twagala bikopo," Mubiru bwe yategeezezza.

Police yakoma okuwangula liigi mu 2005, n'ekya CECAFA mu 2006, ate sizoni ewedde yamalidde mu kifo kya 13 n'obubonero 25.

Mubiru agattako nti ekirala ekigenda okubayamba kwe kubeera nti abazannyi bagenda kuzannyanga ng'emitima gibali wamu kubanga embeera y'endagaano zaabwe okuggwangako ne bagendera ku bwereere baaginogedde eddagala.

"Denis Rukundo, Johnson Odong, Yusuf Ssozi, Musa Matovu n'abalala bazzizza endagaano zaabwe obuggya, ate tukyasaggula abalala," bwe yakkaatirizza.

Ikara, abadde mu Mbarara City gye yagenda ku looni okuva mu KCCA, yategeezezza nti ng'oggyeeko okuyamba Police okuvuganya ku bikopo, ayagala kuzza mutindo gwe ngulu asobole okudda ku Cranes.

Okujja kwe kugenda kuteekawo okuvuganya ku kifo kya ggoolokipa asooka, ne Davis Mutebi, abadde akwatira Police sizoni ewedde.

More From The Author

Emboozi z’omuwandiisi endala

Emboozi endala

Bakaluba Mukasa.

NUP ewangudde disitulikiti ...

EKIBIINA kya National Unity Platform (NUP) kyeyongedde okweriisa enkuuli mu kulonda kwa bassentebe ba disitulikiti...

Magogo (ku ddyo) ne Mbidde ku mukolo ogumu.

Magogo okusigala mu ntebe y...

PULEZIDENTI wa FUFA, Moses Magogo oluvannyuma lw'okuwangula akalulu k'omubaka wa Palamenti (Budiope East), asaanye...

Abazannyi ba Rugby Cranes, nga beeriga ne ttiimu ya Zimbabwe e Lugogo.

Aba rugby beesika emiwula l...

Bya SILVANO KIBUUKA Rugby Cranes etandise kaweeefube w'okulaba nga Uganda evuganya mu mizannyo gya Olympics omulundi...

Omuddo gwa Kafumbe nga bwe gufaanana.

Omuddo gwa kafumbe gugoba o...

ABAANA bwe bagenda bakula ne baweza emyaka nga 13 bafuna olusu abangi lwe bamanyi nga kaabuvubuka. Omwana ne bw'aba...

Omusumba Kisitu.

Omusumba w'Abasodookisi any...

Mu bantu abatenda ssennyiga omukambwe mwe muli Omusumba w'Abasodookisi Silvestros Kisitu atwala kitundu ky'e Gulu...