RunyankoleLugandaEnglish
AmawulireKasalabeccaSsengaEbyemizannyoEmbooziEbifaananyiVidiyoImported
Ebyemizannyo

Arsenal eyagala kusoona Spurs omuteebi Tammy Abraham

ARSENAL eyolekedde okumegga Spurs ekanse omuteebi wa Chelsea, Tammy Abraham ng’akatale kano tekannaggwaako.

Tammy Abraham
By: Bukedde Omusunsuzi, Journalist @NewVision

Bya Farouk Lubega 

ARSENAL eyolekedde okumegga Spurs ekanse omuteebi wa Chelsea, Tammy Abraham ng’akatale kano tekannaggwaako.

Omuzannyi ono ow’emyaka 23, omutendesi wa Chelsea, Thomas Tuchel agamba nti tamulina mu nteekateeka ze era ttiimu yonna emwagala ya ddembe okumukansa.

Omukutu gw’amawulire ogwa ‘The Sun’ gwategeezezza nti Chelsea yakkirizza okusooka okusindika omuzannyi ono ku bbanja mu Arsenal nga mu ndagaano ye bataddemu akawaayiro k’okumugulira ddala.

Singa Arsenal ekansa omuzannyi ono, lijja kuba kkonde ddene eri Spurs enoonya omuteebi anaasikira Harry Kane eyategeezezza bakama be nti ayagala kwabulira ttiimu eno. West Ham nayo eyagala omuzannyi y’omu.

Abraham yategeeza gye buvuddeko nti Arsenal y’emu ku ttiimu ezimusula ku mutwe era yakula gy’awagira kyokka olw’okuba ne Chelsea eri mu kibuga London, yeesanga agenze mu akademi yaayo.

Abraham afuna emitwalo gya pawundi 8 buli wiiki era singa batunda Abraham, baakufuna we batandikira ku ssente ze banaasasula omuteebi omupya gwe baleeta.

Chelsea eri ku muyiggo gwa muteebi mulala era kyategeezeddwa nti bataddewo obukadde bwa pawundi 135 okukula omuteebi wa Dortmund, Erling Braut Haaland.

Tags:
Arsenal

Emboozi Ezifanagana

Ebyemizannyo

Owa Arsenal awagidde Yamal ku Ballon d'Or

Ebyemizannyo

'Arteta yantomeza okuva mu Chelsea'

Ebyemizannyo

Abatendesi abeeyubulidde ku ttiimu z'eggwanga

Ebyemizannyo

'Arteta yantomeza okuva mu Chelsea'

Ebyemizannyo

Chelsea eswamye ssita wa Arsenal

Ebyemizannyo

Ogwa Aston Villa gutadde Carrick ku kigezo