Enkambi ya URA FC ejjudde
ENKAMBI ya URA FC yeeyongeddemu ebbugumu oluvannyuma lw’omuwuwuttanyi waayo Shafiq Kagimu okugyegattako ng’ava ku ttiimu y’eggwanga.
Enkambi ya URA FC ejjudde
Ku Ssande, September 12 e Kitende, URA ekyaza Coffee FC eya Ethiopia mu mpaka za CAF Confederations Cup ez’oluzannya olusooka.
Brian Nkuubi ku ddyo ng'attunka ne Samuel Kammwaka ku kkono
Omutendesi wa URA FC omuggya Simeon Masaba mugumu nti enkambi ye eggumidde oluvannyuma lwa kapiteeni wa ttiimu okubeegattako mu kutendekebwa e Gayaza ku Homes Darren.
Shafiq Kagimu ku kkono ng'abulirira Patrick Mbowa ne Farouk
Sizoni ewedde URA yamalira mu kyakubiri oluvannyuma lw’okwolesa omutindo ogw’enjawulo wansi w’omutendesi Sam Ssimbwa eyagyabulidde sizoni eno.
Bakansizza abazannyi abalina obumanyirivu okuli, Viane Ssekajugo, Derrick Ndahiro ne Kabon Living ssaako Said Kyeyune eyakomyewo mu ttiimu.
Julius Mutyaba (ku kkono) ng'attunka ne Mikidad Ssenoga