Ebyemizannyo
Timbe agumizza abawagizi
OMUTENDESI wa URA FC, Sam Timbe agumizza abawagizi ba ttiimu eyo nti bagenda kukola ekisoboka kyonna okulaba nga bafuna obuwanguzi ku Al Masry eye Misiri mu gw’oluzannya olusooka mu mpaka za CAF Confederations Cup.
Timbe agumizza abawagizi
By: Ismail Mulangwa, Journalists @New Vision
Lwamukaaga mu za CAF;
URA FC – Al Masry
Okwogera bino kiddiridde abazannyi ba URA bana ababadde ku ttiimu y’eggwanga Cranes nga bamegga Rwanda ku Ssande okwegatta ku ttiimu nga beetegekera oluzannya olusooka era Timbe yayogezza mmaanyi nti bano baakongera obumanyirivu ku ttiimu.
Najib Fesali
Shafiq Kagimu,Cromwel Rwothomio, Najib Fesali ne Alionzi Nafian be bazannyi ababadde ku Cranes era basuubirwa okwongera okuggumiza enteekateeka zaabwe okuwandulamu Abawarabu bano okwesogga ebibinja.
Shafiq Kagimu
Okugenda ku luzannya luno, URA yamegga Coffee ku mugatte gwa ggoolo 5-2,ekintu ekyawa Timbe amaanyi.