Ebyemizannyo
Kyaggwe ewera kutandika na maanyi mu gya masaza
TTIIMU y'essaza lya Kyaggwe ewaga kutandika na maanyi mu mpaka z'Amasaza ga Buganda ez'omwaka guno.
Kyaggwe ewera kutandika na maanyi mu gya masaza
By: Fred Kisekka, Journalist @New Vision
Kiddiridde Kyaggwe okumalako emipiira gyayo 7 egy'okwegera nga tekubiddwaamu. Ku mipiira 7 Kyaggwe yawanguddeko 6 n'okulemagana gumu nga yasembye kukuba Kalagi FC 2-1 olwo yeetegekere okugenda ku Njeru Technical Centre ku Lwokusatu lwa wiiki eno ewabumbujjira empaka zino.
Omuteebi wa Kalagi FC ng'atagaza abazibizi ba ttiimu y'essza lye Kyaggwe.E
Lawrence Kambugu ye yateebye ggoolo za Kyaggwe ebbiri ate Ivan Kalyowa n’ateeba eya Kalagi FC ku mupiira ogwabumbujjide ku kisaawe kya Kalagi.
Omwami wa Kabaka ow'essaza lino Sekiboobo Elijah Lubanga Mulembya yakuutidde bannaKyaggwe okuwagira essaza lyabwe naddala mu by'ensimbi ezibeekubya empi.
Abamu ku bazannyi ba ttiimu y'essaza eya Kyagwe.
Omupiira gwe gumu gwetabiddwaako bannabyabufuzi okuli Patricko Mujuuka, Sulaiman Kiwanuka ne Hoge Nsubuga nnyini ssomero lya Agape SS e Mukono. Kyagwe eri mu kibinja Bulange ng'eggulawo na Busujju.