Aba SMACK battunse mu mizannyo

SMACK sports day 2022

Bwe basinganye mu bubonero

Mugwanya- 843

Lourdel- 743

Kakooza- 655

Kawinuka -637

Minisita mu ofiisi y’omumyuka wa Pulezidenti era omukise mu palamenti owa disitulikiti y’e Buikwe, Diana Mutasingwa yeebazizza Gavumenti olw’okwongera ssente mu byemizannyo  ng’eyita mu minisitule y’ebyenjigiriza n’emizannyo.

“Gavumenti egezzezaako okukulakulanya ebyemizannyo ng’eyita mu masomero  ewali  ttalanta z’abaana ezitanazuulwa era ssente z’eteekamu zaakuyamba nnyo ebyemizanyo okukulaakulana,” Mutasingwa bwe yagambye.

Yayongeddeko nti, “Gavumenti, yawa ebibuga, disitulikiti ne municipali obukadde 30 buli mwaka nga zaakukulaakulanya bitone nga bayita mu masomero.”

Abayizi nga basika omuguwa

Okwogera bino, yabade ku lunaku lw’ebyemizanyo ku ST Mary’s College Kisubi ku Ssande ng’eno abayizi baavuganyiza mu mizannyo egy’enjawulo okwabadde; hockey, rugby, omupiira, okuddukira mu kutiya, emisinde, volleyball n’emirala.

Abayizi nga baddukira mu kutiya

Akulila SMACK, Bro. Deodati Aganyira yeebazizza abayizi olwokwolesa omutindo omulungi mu mizannyo ekimu kubiyambye okukuumira essomero waggulu.

“Twagala kubulula byamizannyo mu ssomero nga tuddamu okwetaba mu mpaka ez’amaanyi eziri ku ddaala ly’ensi yonna,” Aganyira bwe yagambye.

Aganyira yayongeddeko nti essomero liyoze bannabyamizannyo bangi mu ggwanga. William Nkemba akulira emirimu mu SC villa, William Blick eyali  pulezindenti wa Uganda Olympic committee n’abalala.

Abayizi ba Mugwanya  be beetise olunaku n’obubonero  843 ne basitukira mu kikopo ky’omuwanguzi.