Owa UCU aweze okukomawo n'amaanyi mu za University League
Collins, eyagenze mu byafaayo ng’omutendesi omukazi akyasoose okutuusa ttiimu y’omupiira gwa yunivasite ku luzannya lwa semi, yalemeddwa okuyisaawo Uganda Christian University nga bakubiddwa Uganda Martyrs University Nkozi mu peneti.
Ttiimu ya UCU Lady Cardinals eyazannye ogwabadde e Lubaga.
OMUTENDESI wa UCU Lady Cardinals, Collins Ahumuza, yafunye amaziga ga mirundi ebiri ku wiikendi oluvannyuma lw’okuwadulwa mu mpaka za yunivasite ng’ali ne ttiimu ya UCU ey’omupiira gw’abawala saako n’okukubwa mu liigi y’abawala ng’ali ne UCU Lady Cardinals.
Collins, eyagenze mu byafaayo ng’omutendesi omukazi akyasoose okutuusa ttiimu y’omupiira gwa yunivasite ku luzannya lwa semi, yalemeddwa okuyisaawo Uganda Christian University nga bakubiddwa Uganda Martyrs University Nkozi mu peneti.
Ahumuza ng'ayogerako n'abaamawulire.
Ahumuza yagambye nti wadde teyasobodde kutuusa ttiimu ye ku fayinolo y’omwaka guno mu mpaka za yunivasite, yeenyumiriza mu bazannyi be ssaako omutindo ogw’enjawulo gwe baayolesezza.
Sizoni eno UCU Lady Cardinals ebadde tennakubwamu mupiira gwonna ku bugenyi nga bakwata ekifo kyakusatu n’obubonero 10.