SC Villa yeggyeeko ekikwa ky'emipiira 3 nga tewangula
Omwezi oguwedde ogwa November, Villa yawanguddemu omupiira gumu gwokka ogwa Arua Hill n’ekubwa Vipers (2-0), KCCA (3-0) ne Wakiso Giants (2-1).
Ttiimu ya Villa eyazannya Vipers gye buvuddeko.
OMUTENDESI wa SC Villa, Jackson Magera ne batabani be bafunye ku buweerero oluvannyuma lw’omuwuwuttanyi Patrick Kakande okubaggya ku kaguwa ne bamegga Maroons FC (1-0) mu liigi ya babinywera eya StarTimes Uganda Premier League ku Ssande.
Villa, ebadde emaze emipiira esatu egya liigi nga tefuna buwabguzi era yebbululidde ku Maroons e Lira gye bakyalizza ng’ekisaawe temuli bawagizi olw’ekkoligo lya FUFA lye baliko oluvannyuma lw’okukola effujjo nga bawangulwa Wakiso Giants (2-1) gye buvuddeko.
Patrick Kakande eyateebye ggoolo ya Villa ey'obuwanguzi.
Omwezi oguwedde ogwa November, Villa yawanguddemu omupiira gumu gwokka ogwa Arua Hill n’ekubwa Vipers (2-0), KCCA (3-0) ne Wakiso Giants (2-1).
Kakande eyabadde omuzannyi w’olunaku ye yafunidde Villa obuwanguzi olwa ggoolo ye gye yateebye mu ddakiika y’e 11, wabula ye Kenneth Ssemakula teyagumazeeko bwe yafunye kaadi emmyuufu mu ddakiika ya 50.