Owa Crested Cranes yeevuma kisenge kya ttiimu ye ku gwa Rwanda
Khalifa yagezezzaako okukola enkyukakyuka mu makkati bwe yaggyeeyo Margaret Kunihira ayita ku wingi, n’aleeta Shamira Naluggya okwatagana ne Joan Nabirye okuziyiza emipiira okutuuka ennyo mu kisenge wabula era emitono ennyo egyatuuse eri ggoolokippa Aturo, Rwanda mwe yaggye ggoolo.
Ttiiimu ya Uganda eyazannye Tanzania mu gw'omukwano.
Women’s Olympic Qualifiers
Uganda 3-3 Rwanda
Eggulo, mu kisaawe kya Kigali Pele Stadium, Uganda yazannye ne Rwanda mu nsiike esooka ey’ez’okusunsulamu amawanga 12 agalyetaba mu mizannyo gya Olympics omwaka ogujja mu kibuga Paris ekya Bufalansa.
Okusinziira ku Khalifa, ekisenge kya Crested Cranes kyonna kyabadde kifu, Rwanda yabateebye ggoolo zonna ssatu lwa nsobi ezaakoleddwa ggoolokippa Ruth Aturo, abazibizi Shadia Nankya, Samalie Nakacwa, Aisha Nantongo ne Sumaya Komuntale.
Khalifa ng'ayogerako eri abaamawulire gye buvuddeko.
Khalifa yagezezzaako okukola enkyukakyuka mu makkati bwe yaggyeeyo Margaret Kunihira ayita ku wingi, n’aleeta Shamira Naluggya okwatagana ne Joan Nabirye okuziyiza emipiira okutuuka ennyo mu kisenge wabula era emitono ennyo egyatuuse eri ggoolokippa Aturo, Rwanda mwe yaggye ggoolo.
Shakira Nyinagahirwa ye yasoose okuteebera Uganda, Hassifa Nassuuna ne Fazila Ikwaput ng’ava ku katebe wabula obwedda buli Uganda lw’eteeba nga ne Rwanda ebateeba ekyatabudde omutendesi.
Khalifa yakyusizza ttiimu okuva kw’eyo eyakubye Tanzania (3-1) e Lugogo. Yaleese Nabirye wakati ne Kunihira olwo n’atuuza Catherine Nagadya eyateeba ku Tanzania ne Shamirah Naluggya.
“Amazima Rwanda yabadde ttiimu nnafu ku Uganda naye ensobi zaayitiridde mu bazibizi, wabula ng’enda kuddamu kugatta notisi tulabe nga tufuna wiini ku Ssande mu gw’okudding’ana,” Khalifah bwe yagambye.