Minisita w'ebyemizannyo e Mengo alambuludde ku nteekateeka y'emisinde gya Kabaka
Dickson Kulumba
Journalist @Bukedde
Apr 06, 2024
MINISITA w'abavubuka,emizannyo n'ebitone mu Buganda, Ssalongo Robert Sserwanga agambye nti tikiti enayingiza oyo yenna anayagala okuyingira mu Lubiri e Mmengo gwe mujoozi gw'emisinde ogw'omwaka guno.
Sserwanga agamba nti oyo atabeere na mujoozi gw'omwaka guno, tajja kukkirizibwa kuyingira mu Lubiri okusimbulwa emisinde.
Minisita Sserwanga okwogera bino yasinzidde Bulange-Mmengo akawungeezi k'eggulo bweyabadde alambulula ku nteekateeka ezigenda okugobererwa mu misinde gy'amazaalibwa ga Kabaka eginabeerawo olunaku lw'enkya.
" Bwemubeera mujja,temujja na bintu bingi okuli ensawo,abaana kubanga bijja kubalema okukuuma n'okulabirira," Sserwanga bweyagambye.
Olukungaana luno era lwetabiddwamu ab'ebyokwerinda abakulembeddwamu oumyuka w'omwogezi wa Poliisi mu Kampala n'emiriraano,Luke Oweyesigire ng'ono yategezezza nti bataddewo weema omunakunganyizibwa abaana abanabeera babuze.
Oweyesigire era yalabudde abanajja obutateeka bya bufuzi mu misinde Gino era abaneeyisa mu mbeera efanana eti,ajja kukwatibwa olw'okutabangula.
Related Articles
No Comment