RunyankoleLugandaEnglish
Ebyemizannyo

Newcastle efukiridde Crystal Palace amagoolo ne yeesogga eky'okusatu

KKIRAABU ya Newcastle eyongedde okwenyweza ku kimeeza kya Premier League, bw'ekunkumudde Crystal Palace ggoolo 5-0 mu 'ggolu' lye baazannye mu kiro ky'Olwokusatu n'ewanulayo Nottingham Forest mu kyokusatu.

Newcastle efukiridde Crystal Palace amagoolo ne yeesogga eky'okusatu
By: Willy Ssemmanda, Journalist @New Vision

KKIRAABU ya Newcastle eyongedde okwenyweza ku kimeeza kya Premier League, bw'ekunkumudde Crystal Palace ggoolo 5-0 mu 'ggolu' lye baazannye mu kiro ky'Olwokusatu n'ewanulayo Nottingham Forest mu kyokusatu.

Abazannyi Ba Newcastle United mu Kifaananyi Oluvannyuma Lw'okuwangula Omupiira.

Abazannyi Ba Newcastle United mu Kifaananyi Oluvannyuma Lw'okuwangula Omupiira.

Newcastle ebadde yaakafuntula Manchester United ggoolo 4-1, ne ku gwa ggyo we yakoma we yatandikidde ng'eteeba ggoolo okwabadde eya Jacob Murphy, Harvey Barnes, Fabian Schar ne Alexander Isak ssaako eya kyeteeba, omuzibizi wa Palace, Marc Guehi gye yeeteebye.

Guno gwawezezza emipiira mukaaga (6) nga Newcastle ewangula buwanguzi mu mpaka zonna ze yeetabyemu mu kiseera nga n'omutendesi waabwe Eddie Howe ali ku kitanda mu ddwaaliro gy'ajjanjabibwa ekirwadde kya pneumonia.

Isak Ng'awaga Oluvannyuma Lw'okuteeba.

Isak Ng'awaga Oluvannyuma Lw'okuteeba.

Kino kitadde Newcastle mu kifo w'esingira Chelsea owoomukaaga obubonero mukaaga bulamba, nga kigyetaagisa kubeera mu bataano abasooka okukiika mu mpaka za Champions League sizoni ejja.

Bino we bijjidde nga Newcastle yaakamala okuwangula ekikopo kya Carabao, ekyasoose mu myaka 70, bwe yakubye Liverpool ggoolo 2-1, ng'omumyuka w'omutendesi Jason Tindall agamba nti kyawadde abazannyi baabwe amaanyi g'okusigala nga bawangula.

Tags:
New Castle
Ggoolo
Crystal Palace
Kwesogga

Emboozi Ezifanagana