Empaka z’amaato ga Kabaka enteekateeka zonna ziwedde za nkya
Empaka z’amaato ga Kabaka ez’akamalirizo zengedde, zakubaawo enkya ku lw’omukaaga ku mwalo e Bunjakko mu ssaza lya Beene ery’e Mawokota.
Abaneetaba mu mpaka z'amaato nga begezaamu
Empaka z’amaato ga Kabaka ez’akamalirizo zengedde, zakubaawo enkya ku lw’omukaaga ku mwalo e Bunjakko mu ssaza lya Beene ery’e Mawokota.
Abagenda okwetaba mu Mpaka z'amato nga begezaamu
Yinginiya Ben Misagga ku ddyo ng'alambuza Miniista webyemizannyo e Mengo Sserwanga awagenda okubeera empaka z'amaato
Abanene bangi abasuubirwa okwetaba mu mpaka zino okuli: Katikkiro wa Buganda Charles Peter Mayiga, Katikkiro wa Uganda Robinah Nabbanja n’abakungu abalala basuubirwa okubaayo, nga ne Nnamunswa Ssabasajja Kabaka Ronald Muwenda Mutebi II naye asuubirwa okubaayo.
Abe by'okwerinda nga bekenneeya ekifo kye Bunjakko Beach awategekeddwa emikolo
Ab’amasaza ga Buganda gonna 18 bamaze dda okutuuka e Bunjakko okwetegekera empaka, era olw’okutaano basiibye begezaamu olunaku lwonna.
Ekitongole kya Ssabasajja ekye by’okwerinda wamu ne DPC w’e Buwama nabo babaddewo okulaba ng'enteekateeka zonna zitambula bulungi eri abaneetaba ku mukolo awatali kutataganyizibwa.
Yinginiya Ben Misagga ku ddyo ng'alaga minisita we by'emizannyo e Mengo Ssalongo Sserwanga amaato agageda okukozesebwa mu mpaka
Yiningiya Ben Misagga, ssentebe w’olukiiko olutegesi olw’empaka z’amaato olwa, Buganda Royal Regatta, agumizza abantu nti, eby’okusanyusa weebiri mu bujjuvu nga bikulembeddwaamu aba Afrigo band n’abayimbi abalala, nga bakutandika ku ssaawa emu ey’okumakya okutuusa akawungeezi ng’empaka ziwedde.