Ebyemizannyo
Ronaldo ne Casemiro be baasiga amayisa amabi mu ManU - Ten Hag
ERIK ten Hag, eyagobwa ku butendesi bwa ManU mu 2024, attudde akakuku ke ne Cristiano Ronaldo bw'agambye nti, "Nali mmuwa nnyo ekitiibwa nga kafulu mu mupiira naye wa nkwe, yangobya."
Ten Hag (ku kkono) agamba Ronaldo yamunyoomanga.
By: Bukedde Omusunsuzi, Journalist @NewVision
ERIK ten Hag, eyagobwa ku butendesi bwa ManU mu 2024, attudde akakuku ke ne Cristiano Ronaldo bw'agambye nti, "Nali mmuwa nnyo ekitiibwa nga kafulu mu mupiira naye wa nkwe, yangobya."
Yategeezezza olupapula lwa Athletic nti, "Nga nnaakafuna omulimu gwa ManU, nalinnya ennyonyi ne ng'enda e Portugal ne tuteesa bwe tuyinza okusitula ManU. Bwe yajja talina wadde ekimu kye yassa mu nkola. Yangiwayo ne ttiimu yonna."
Ten Hag agattako nti, "Emirundi mingi Ronaldo yagaana okutendekebwa n'obutassaamu maanyi n'amenya banne kyokka nga bo beewaayo nnyo. Olumu namulagira n'okwetooloola ekisaawe emirundi 3 n'agaana. Muzibu nnyo." Ng'ayogera ku lwaki ManU temmuka, yalambise nti, "Yasuubula bassita ba Real abaayingiza 'obutwa' mu ttiimu yonna." Ronaldo, Raphael Varane ne