TOP
  • Home
  • Ebyobulimi
  • Ab'e Kawanda basomesezza ku kitooke ekipya ekya Kiwangaazi

Ab'e Kawanda basomesezza ku kitooke ekipya ekya Kiwangaazi

Added 2nd May 2016

Ab’e Kawanda basomesezza ku kitooke ekipya ekya Kiwangaazi

 Omukugu ng’alaga endu erina okusimbibwa.

Omukugu ng’alaga endu erina okusimbibwa.

ABAKUGU e Kawanda batandiise okusomesa Bannayuganda ku kitooke ekipya kye bakoze ekiyitibwa Kiwangaazi M9 ne M2, ekigumira endwadde n’okussa enkota ennene.

Bali mu kaweefube wa kukyagazisa balimi kibayambe okwongera okwaza emmere awaka. Mu musomo ogw’olunaku olumu ogwabadde mu nnimiro y’omulimi Francis Wagaba e Nakanyonyi mu ggombolola y’e Nabbaale e Mukono gye buvuddeko, abalimi okuva mu magombolola ag’enjawulo mu Nakifuma ne Mukono North baasomeseddwa ennima y’ekitooke kino.

Kiwangaazi M9 ne M2 kigumira embeera yonna ey’obudde, tekimala galumibwa biwuka ng’ebitooke ebirala, kiteekako enkota nnene.

Wilson Okulut, omusomesa w’ebitooke okuva e Kawanda yategeezezza nti ekitooke kino kisobola bulungi okusimbibwa awantu wonna, kirina omugogo munene nga kisobola okweterekera amazzi ebbanga lyonna ate tekimala gasuulibwa kibuyaga.

Okurut agamba nti buli mulimi talina kweralikirira ku nsimba ya kitooke kino awamu n’endabirira kuba nakyo kiringa ekitooke ekirala mu ndabirira. Kyetaaga okusimbibwa mu biseera by’enkuba okusobola okukendeza ku ndabirira n’okufukirira, okubikka, okukisali-ra, okukisimba mu nnyiriri ate tekiboola bitooke birala.

Kissa enkota nnene, erina ebiwagu ebiri wakati wa 14 ne 16, kimala emyezi ebiri n’ekitundu ettooke okukula obulungi. Omulimi Francis Wagaba, eyalondebwa okugezesezaako ebitooke bino yategeezeza nti kati takyalina kizibu kya mmere kuba ebitooke bino bigumira buli mbeera yonna nga ne mmere yakyo eringa endala yonna.

“Emmere ηηonvu, enkota ngitunda wakati wa 15,000/- ne 20,000/- nga bw’olaba Mpologoma ne Kisansa. Ekitooke kizaala nnyo kale bw’otottira butooke, ebbanga lye batulagira okukisimbamu erya mmita 3 ku 3 ttono,” bwe yagambye

More From The Author

Emboozi z’omuwandiisi endala

Emboozi endala

Kangaawo ng'ayogera e Butuntumula.

Kangaawo akunze Abalemeezi ...

OMWAMI wa Ssaabasajja Kabaka atwala essaza ly' e Bulemeezi, Kangaawo Ronald Mulondo agugumbudde bassemaka  abaganza...

Pulezidenti wa DP Norbert Mao ne Ismail Kirya mu lukiiko ne bannamawulire.

Aba DP basabye Gavt. okuliy...

BANNAKIBIINA kya DP basabye Gavumenti okuliyirira abantu bonna abagenda okufiirwa ettaka awagenda okuyita payipu...

Dayirekita Wambuga (ali mu kkooti) ng' agezaako okunnyonnyola abasomesa abamutabukidde.

Abasomesa batabukidde dayir...

Emirimu gisannyaladde ku ssomero lya Good Luck Junior School e Katalemwa mu ggombolola y'e Gombe mu disitulikiti...

Omukazi nga bamusitula okumussa ku kabangali bamutwale mu ddwaaliro.

Kabangali ya poliisi etomed...

KABANGALI ya poliisi ewabye n'erumba okukazi abadde atambulira ku mabbali g'ekkubo okukkakkana ng'emumenye okugulu....

Mu Kkooti ye kkansala w'e Luzira, Willy Turinawe  ng'atottola obulumi bwe bayitamu.

Abatuuze batabukidde abayoo...

ABATUUZE ba Stage 7 e Luzira ekisangibwa mu Munispaali y'e Nakawa bavudde mu mbeera ne batabukira abakozi ba Kkampuni...