TOP
  • Home
  • Ebyobulimi
  • Aba NACRRI baleese kasooli agumira akawuka akaleeta empumbu

Aba NACRRI baleese kasooli agumira akawuka akaleeta empumbu

Added 10th May 2016

EKITONGOLE ekinoonyereza ku birime ekya Namulonge Agriculture Crop Resources Research Institute kikoze ebika bya kasooli bisatu ebigumira akawuka akaleeta empumbu evaamu obutwa obw’obulabe eri omulimi.

 Omu ku bakozi e Namulonge ng’alaga kasooli omupya eyavumbuddwa.

Omu ku bakozi e Namulonge ng’alaga kasooli omupya eyavumbuddwa.

EKITONGOLE ekinoonyereza ku birime ekya Namulonge Agriculture Crop Resources Research Institute kikoze ebika bya kasooli bisatu ebigumira akawuka akaleeta empumbu evaamu obutwa obw’obulabe eri omulimi.

Obutwa buno buyittibwa “Afl atoxin” nga buleetebwa akawuka k’empumbu akamera ku mpeke z’ebirime nga tennaba kukungulwa mu nnimiro oba ebiteerekeddwa mu sitoowa.

Omukugu mu kunoonyereza ku byobulimi era akulira ekitongole kino Dr. Godfrey Asea agamba nti akawuka kano kaabulabe eri obulamu bw’abalimi kubanga kavaamu obutwa obuyinza okumuviraako okufuna obulwadde bwa kookolo w’ekibumba.

Agamba nti abalimi bangi balidde obutwa buno mu mmere naddala kasooli, ebinyeebwa ebikubibwamu obuwunga nga kyandiba nga kye kimu ku kivuddeko obulwadde bwa kookolo w’ekibumba okweyongera mu bantu.

Agamba nti ebirime bingi bimerako empumbu naye ku luno essira ly’okunoonyeeza ku kawuka kano balitadde ku kasooli, ebinyeebwa, obulo ne muwogo kubanga bye bimu ku birime ebisinga okulimibwa n’okuliibwa mu Uganda.

Era basobodde okufulumya ebika bya kasooli omuli Bazooka (UH5354), UH5402 ne UH 5556 .

Omukugu mu kunoonyereza ku bisolo, Godfrey Nviiri agamba nti akawuka akaleeta obutwa buno katera kubeera ku mpumbu ey’ekika kya Kiragala.

Empumbu eno emera ku mpeke z’ebirime naddala ebitakaziddwa bulungi kuggwaamu mazzi .

Empumbu eno bw’emera ku kasooli ereeta obutwa obutaggwa mu mpeke zino nga ne bw’obufumba tebufa.

Agamba nti obutwa bwa “Afl atoxin” bwa bulabe kubanga omulunzi ssinga anywa amata oba alya ennyama evudde mu bisolo ebibadde bigabirirwa emmere erimu empumbu asobola okufuna akawuka kano akalwaza kookolo.

Era bukwata n’omwana omuto ssinga ayonka nnyina oba anywa amata agava mu nte erya emmere erimu empumbu.

More From The Author

Emboozi z’omuwandiisi endala

Emboozi endala

Omusango gwa Kibalama gulek...

OMUSANGO gwa Moses Kibalama ogw’obwannanyini bw’ekibiina kya NUP gwakusalwa nga October 16. Kyokka we banaagusalira...

Kibalama

Kibalama ayogedde lwaki yak...

EYALI Pulezidenti w’ekibiina kya National Unity and Reconciliation Party (NURP) Moses Nkonge Kibalama, agamba nti...

Owa North Korea yejjusizza ...

AMAGYE ga North Korea okutta munnansi wa South Korea gwe baasanze abuuse ensalo ng’ali mu mazzi gaabwe biranze....

Omukungu wa Twaweza ng'annyonnyola

Aba Twaweza bafulumizza ali...

LEERO Mande September 28, 2020 giweze emyaka 15 nga Uganda eyisizza etteeka erikkiriza abantu okufuna amawulire...

Amaka ga Seya Sebaggala

Seya alese omukululo mu byo...

EBYOBUFUZI ebyali bibuutikiddwa abayivu, Seya yabikyusa n’abiyingizaamu n’abantu ba wansi abaali beerabiddwa.