TOP

Ebintu 5 by'okola n'ofuna mu lusuku

Added 4th September 2017

ENKYUKAKYUKA mu mbeera y’obudde evuddeko abalimi okutandika okusala amagezi ag’enjawulo naddala abo abatalina mazzi na busobozi bufukirira nabo okusobola okusigala mu bizinensi.

 Nabaweesi ng'ateeka enkondo mu lusku lwe

Nabaweesi ng'ateeka enkondo mu lusku lwe

Bya EMMANUEL SSEKAGGO

ENKYUKAKYUKA mu mbeera y’obudde evuddeko abalimi okutandika okusala amagezi ag’enjawulo naddala abo abatalina mazzi na busobozi bufukirira nabo okusobola okusigala mu bizinensi.

Muky. Robinah Nabaweesi, amanyiddwa nga Muky. Mutebi, naye ekiwendo tekimulese mabega, amaanyi agatadde mu kubikka lusuku asobole okusigala ng’alukamulamu ssente n’okulukuuma nga lulungi mu budde bw’omusana.

Nabaweesi mutuuze ku kyalo Kikoma B mu muluka gw’e Ssugu mu disitulikiti y’e Buikwe agamba nti olusuku lwe lutudde ku yiika ssatu, asinzaamu Kisansa, Nakitembe, Mbwazirume, Nfuuka n’ebika ebirala.

EBIRUNGI EBIRI MU KUBIKKA

Nabaweesi agamba, kasita obikka olusuku lutereka amazzi ne galuyamba mu biseera by’omusana. Kuba omusana guba tegukuba butereevu ku ttaka, gukoma ku bisubi.

Nabaweesi yannyonnyodde nti, okubikka olusuku kuyamba okukuuma ettaka nga ggimu. Ebisubi ebyeyambisibwa mu kubikka bwe bivundira mu nnimiro nabyo bikola obugimu ekiyamba ebitooke okussa enkota ennene.

Olusuku olubikke terutawaanya kulimamu buli kiseera anti omuddo tegumala gamera kuba guba tegulina we guyita olw’ebisubi.

OKUTEMA ENSALOSALO

Ensalosalo ziyamba okukwata amazzi mu lusuku, enkuba bw’etonnya amazzi galegama mu nsalosalo zino bw’ekya amazzi gasigala mu ttaka ne kiyamba ebitooke okusigala nga byeyagala n’okutereka amazzi ate zikwata n’ettaka obutakulugukka.

OKUTTIRA

Okuleka ensukusa ennyingi ku kitooke si kirungi kuba zirwanira amazzi n’ekigimusa ate n’ekifo we zikulira waba wafunda ne zitasobola kwegazaanya kugejja migogo ekivaamu ebitooke bikuwa enkota ntono. Kino kitegeeza buli kitooke lekako ebitooke bisatu.

OKUSALIRA

Okusalira tekuyamba kunyiriza lusuku kyokka, wabula kuyamba ekitooke okunywa obulungi amazzi ne gasobola okuyingira mu migogo, wabula kirungi okuggyako ebyayi n’essanja byokka okuziyiza okutambuza obulwadde obukaza ebitooke.

EBIRUNGI MU KULIMA OLUSUKU

Nabaweesi yannyonnyodde nti ekirungi ekisinga ku lusuku kiri nti teruliiko sizoni nga birime birala.

Bw’otandika okutema amatooke ogatema kumpi buli wiiki okutuusa olusuku bwe lukaddiwa ekitali ku birime birala ebirinda sizoni.

Ekirala olusuku lugoba enjala awaka. Olima amatooke n’ekigendererwa ky’okugatunda wabula mu ngeri y’emu era omuntu alina olusuku tayinza kulumbibwa njala anti amatooke gabaawo ate mu bungi.

Tegagwa katale:

Nabaweesi yategeezezza nti amatooke tegagwa katale kuba abantu abasinga bagettanira okugalya mu kyalo ne mu kibuga.

“Nze abaguzi bannoonya, oluusi abamu mbagoba na bugobi,” bwe yagambye.

EBISOOMOOZA

Enkyukakyuka y’embeera y’obudde etutaataaganya newankubadde tugirwanyisa nga tubikka ate n’okutema ensalosalo mu lusuku.

Ebiwuka ebikaza ebitooke nabyo weebiri naye nga tubirwanyisa era nga tumaliriza tubigobye olwo ne tufuna enkota ezeegasa nga tweyambisa obukugu bwe tuggya mu misomo egy’enjawulo.

More From The Author

Emboozi z’omuwandiisi endala

Emboozi endala

Ssaabawandiisi w'ekibiina kya Nrm Justine Kasule Lumumba ng'ayogera mu lukung'aana lwa NRM

Aba NRM bawagidde enkola y'...

EKIBIINA kya NRM kiwagidde enteekateeka y’akakiiko k’ebyokulonda ey’okuwera enkungaana mu kampeyini z’akalulu ka...

Bannakalungu mudduke abatab...

SSENTEBE w'akakiiko akalwanyisa COVID 19 era omubaka wa Gavumenti e Kalungu Pastor Caleb Tukaikiriza awabudde...

Ab'ekkanisa ya Shincheonji ...

Ab'ekkanisa ya Shincheonji baweddeyo omusaayi okutaasa Bannnaabwe okirwadde kya Corona

Abamu ku batuuze ku mayumba gaabwe agali wakati mu mazzi ku mwalo gw’e Kiribairya. Ebif: HENRY NSUBUGA

Ab'e Buyende bakaaba lwa nn...

Abatuuze abawerera ddala okuva ku myalo egy’enjawulo egyetoolodde ennyanja Kyoga mu disitulikiti y’e Buyende beekubidde...

Omusuubuzi mu Kikuubo yeeky...

OMUSUUBUZI mu Kikuubo anyiize n'aleega ekiso afumite owa KCCA abadde alemedde ku mmaali ye kyokka ababaddewo ne...