TOP

Abantu bajjumbidde omwoleso gw'ebyobulimi e Namboole

Added 16th February 2018

WE ziweredde essaawa emu ku makya ku Lwokutaano, ng’abantu bakwatiridde mu nnyiriri ku miryango egy’enjawulo e Namboole okuyingira omwoleso gwa Harvest Money ogw’omulundi ogwokubiri ogugenda okukomekkerezebwa ku Ssande.

WE ziweredde essaawa emu ku makya ku Lwokutaano, ng’abantu bakwatiridde mu nnyiriri ku miryango egy’enjawulo e Namboole okuyingira omwoleso gwa Harvest Money ogw’omulundi ogwokubiri ogugenda okukomekkerezebwa ku Ssande.

Omwoleso gukyagenda mu maaso era nga okugwetabamu osasula 10,000/- okuyingira ate n’omusomo n’osasula 10000/-.

Omwoleso guwagiddwa minisitule y’ebyobulimi, obulunzi n’obuvubi, ekitebe kya Budaaki mu Uganda, kkampuni ya ENGSOL abatuusa tulakita, ekitongole kisolooza omusolo ekya URA, bbanka ya dfcu, Davis and Shrtliff abalina ebyuma ebifukirira, ekisaawe kya Namboole ne gutgekebwa kkampuni ya Vision Group efulumya ne Bukedde.

Abantu nga basimbye ennyiriri okuyingira mu mwoleso gw'ebyobulimi

Omubaka wa Budaaki mu Uganda Henk Van Bakker bwe yabadde aggulawo omwoleso guno yategeezezza nti, ekyabawaliriza okuguteekamu ssente nga baagala okuzibula Bannayuganda amaaso nti obulimi n’obulunzi basobola okubikolanga omulimu ate ne bafunamu ssete.

Bakker yagambye nti, tebakomye kuteekamu ssente kyokka, wabula baalese ne kkampani 12 okuva e Budaaki zisobole okwolesa ebintu eby’enjawulo abantu bye bagenda okulaba n’oluvannyuma baddeyo babikkole basobole okwekulakulanya. Mu kibangirizi ky’Abadaaki mulimu n’emidaali gy’abalimi abazze basing mu mpaka z’omulimi asinga mu myaka gy’enjawulo.

Bakker bino abyogedde asala akaguwa ng’ali wamu n’akulira kkampuni ya Vision Group, Robert Kabushenga n’omusumba wa Lubaga Miracle Center, Robert Kayinja.

Eyasigadde awaka tosaanye kusubwa, ennaku ezisigaddeyo wandibadde obiteekamu engatti okujja okulaba ku bintu eby’enjawulo n’okufuna amagezi .

Omwoleso gwetabiddwaamu abantu aboolesa ebintu eby’enjawulo okuli obuuma obufukirira ate nga bwa bbeeyi ntono, obuuma obugatta omutindo ku by’obulimi naawe k’osobola okwegulira n’okakozesa mu maka go, engeri gy’oyinza okuyungibwa ku butale obw’enjawulo mu Uganda n’ebweru.

 

Okwo gattako abatunda ensigo ez’embala ate nga mpya ku katale, enkoko ez’amagi eziri ku mulembe ate n’ennunda yaazo gattako endiisa, engeri gy’oyinza okulabiriramu embizzi n’okekkereza ate nga ofunamu, ennima y’obutunda ezza amagoba, tulakita ggwe alina ettaka eddene z’osobola okwefunirako ate mu kibanjampola ebyo byonna nkusuniddeko busunizi naawe wetuukire  Namboole olabe.

Ebirala birinde mu Bukedde w’enkya ku Lwomukaaga afuluma leero

More From The Author

Emboozi z’omuwandiisi endala

Emboozi endala

Embiranye ku kifo ky'obwap...

OKUNOONYEREZA okukoleddwa Vision Group kuzudde nti okuvuganya mu bitundu bya Uganda kusinga mu Buganda, wakati...

Hosyn Kiiza oluusi eyeeyita Farouk asindikiddwa mu kkomera e Kitalya

Farouk bba wa Julie Underwo...

BBA wa munnakatemba Julie Underwood azannya nga Sharon mu ba Ebonies, Hosyn Kiiza oluusi eyeeyita Farouk asindikiddwa...

Isima Mutagaya

Owa Mobile Money asindikidd...

KKOOTI ya Buganda Road esindise omukozi wa Mobile money mu kkomera e Kitalya nga kigambibwa nti yabba ssente obukadde...

Kasasa

Kkooti egobye okusaba kw'ab...

KKOOTI Enkulu ey’ebyettaka egobye okusaba kw’abaana ba Sekabaka Muteesa mwe babadde baagalira okubakkiriza okujulira...

Pte Asiimwe (ku kkono), Pte Mugabi, 2Lt Kasmula ne 2Lt Ankunda mu kaguli ka kkooti gye baavunaaniddwa n’abaserikale ba poliisi e Makindye.

Boofiisa basimbiddwa mu kko...

BOOFIISA ba poliisi basimbiddwa mu kkooti y’amagye ne bavunaanibwa okusomola ebyama bya Gavumenti ne babigabira...