TOP

Engege zirumbiddwa akawuka akazikenenya - Minisita

Added 14th February 2019

ENGEGE mu nnyanja Nalubaale zirumbiddwa obuwuka obuzirwaza ne zikenene okusinziira ku minisita w'obulimi, obulunzi n'obuvubi Vincent Bamulangaki Ssempijja.

 Minisita Ssempijja (ku ddyo) mu lukiiko olwetabyemu abakulembeze n'abavubi.

Minisita Ssempijja (ku ddyo) mu lukiiko olwetabyemu abakulembeze n'abavubi.

Abavubi ku nnyanja Nalubaale mu mawanga okuli Kenya, Tanzania ne Uganda emitima gibeewanise olw'obulwadde buno obulumbye ebyennyanja ekika ky'engege ne zitandika okukonziba n'okukenena.

Minisita Ssempijja agamba nti, okusinziira ku bwiino gwe baakafunako, ekika ky'obulwadde obulumbye engege bugwa mu kika ekiyitibwa 'virus'. Yategeezezza nti akawuka kano kaviirako engege obutakula bulungi n'obutagejja ne zibeera mu mazzi nga zikenena bukenenyi.

Embeera eno etadde ne Uganda ku bunkenke era nga Gavumenti, yagambye nti bateekateeka okutuula mu lukiiko n'amawanga okuli Kenya ne Tanzania balabe bwe bayinza okunogera ekizibu kino eddagala mu bwangu ng'embeera tennasajjuka n'okusaasaana mu nnyanja endala.

Minisita yasinzidde ku mwalo gw'e Maye mu ggombolola y'e Nairambi mu disitulikiti y'e Buvuma.

Era Ssempijja yategeezezza nti, Gavumenti esoosootodde enteekateeka Gavumenti mw'egenda okuyita okuyamba abavubi naddala abakkiriza ne bava ku nvuba embi nga bano Gavumenti egenda kubawa ensimbi batandike okulunda ebyennyanja.

Ssempijja agambye nti Uganda eri mu kunoonyereza ku ngeri eno gy'ezze ekola mu nsi okuli Yisirayiri, Hungary ne Philippines gye basinze okugyeyambisa ennyo.

Yasabye n'abavubi okwekolamu ebibiina ng'enteekateeka eno w'enaatuukira ejja kubayamba nnyo ng'eyita mu bibiina.

Abavubi mu kiseera kye kimu baamusabye abeeko ky'annyonnyola ku nsonga y'abavubi abakaaba olw'okutulugunyizibwa abaserikale ba UPDF ababagoba ku nnyanja olw'envuba embi.

Ye omubaka w'e Buvuma mu Palamenti Robert Migadde Ndugwa yagambye nti ebbanga ddene baludde nga basaba Gavumenti ebeereko ky'ekolera abavubi abeewaddeyo ne bava ku nvuba embi okusinga okubaleka mu bbanga ate nga bwe banaabaleka mu bbanga bagenda kuddayo bavube obwennyanja obuto.

More From The Author

Emboozi z’omuwandiisi endala

f

Emboozi endala

Mwanje (wakati) nga "bamunywedde"

Ofiisa munsonyiwe nva kuziika!

MAKANIKA eyeeyise owa poliisi bamukutte n’alwanagana n’abaserikale ng’agamba nti tebalina kye bayinza ku mukola....

Abawawaabirwa, Christine Guwatudde Kintu, Joel Wajala , John Martin Owor  ne Lutimba Kyeyune Fred Martin nga bali mu kaguli

Bana basimbiddwa mu kkooti ...

Abakungu bana okuva mu ofiisi ya Ssaabaminisita abavunaanibwa okulya eza COVID19 basindikiddwa mu kkooti ewozesa...

Sazir Lumala disitulikiti Kaadi w'e Mukono ng'ayogera n'abamawulire ku poliisi e Mukono.

Disitulikiti Kaadi w'e Muko...

Bya ERIC YIGA POLIISI e Mukono ekutte disitulikiti Kaadi waayo Sheikh Sazir Lumala naggulwako omusango gw'okukozesa...

Abasiraamu balabuddwa okuko...

BYA JAMES  MAGALA  Kino kidiridde Poliisi okuyoola abasiraamu 25 e Mpingi nga bagambibwa okuba abayeekera mu...

Bagudde ku mulambo gwa mutu...

Abatuuze b'e Kawaala zooni 2 mu divizoni y'e Rubaga baguddemu ekyekango bwe basanze mutuuze munnaabwe nga yafiridde...