TOP
  • Home
  • Emboozi
  • Muyigirize abayizi ebyobulimi n'obulunzi

Muyigirize abayizi ebyobulimi n'obulunzi

Added 14th October 2019

Abazadde muyigirize abaana okulima n'okulunda n'abasomesa bongereze okwo

 Abayizi basobola okusomesebwa nga balimira mu bipiira

Abayizi basobola okusomesebwa nga balimira mu bipiira

Bya Stella Naigino

Ebiseera ebisinga, abaana bwe bagenda ku masomero, balowooza nti bagenze kusoma bya mu mutwe byokka era bw'obabuuza nti emmere gye balya eva wa, abasinga bajja kuddamu nti eva mu dduuka oba mu katale.

Abaana tebamanyi nti, emmere bagirima ne bagikungula ssaako okugirongoosa nga tennatuuka mu katale oba mu maduuka.

 bayizi nga bagabirira obumyu Abayizi nga bagabirira obumyu

 

Noolwekyo abakugu mu by'okulima n'okulunda bakubiriza abasomesa okusomesa abaana ebintu bino bakule nga babimanyi kuba  ennaku zino bye bisinze okuyimirizaawo abantu mu byenfuna.

Moses Sabika, omulimi era omulunzi agamba nti, abaana balina kutandikira waka okuyigirizibwa obulimi n'obulunzi olwo abasomesa bongerezeeko.

Agamba nti, tekyetaagisa yiika okulima kuba omuntu asobola okulimira mu buveera, obukutiya, emipiira gy'emmotoka, nga kw'otadde n'okulunda.

 ark utebi ngasimba emiti Mark Mutebi ng'asimba emiti

 

Tom Lubuulwa naye mulunzi agamba nti, okulunda ennaku zino omuntu ne bwatabeera na ttaka ddene, asobola okulunda.

Agamba nti, okuyigiriza omwana ng'akyali muto kimuyamba okugezesa by'asoma ate n'okusobola okuyita mu bulamu obw'omu maaso.

Bino babyogeredde ku mwoleso gwa bayizi ogw'ebintu ebisobola okukolebwa awaka mu kulima n'okulunda ssaako ebyemikono ebirala.

 

 

More From The Author

Emboozi z’omuwandiisi endala

Emboozi endala

Sosimu Twesiga

Abalima ebikozesebwa mu kus...

ABALIMA ebikozesebwa mu kusogola omwenge balaajanidde gavumenti ne bagisaba okuddiriza ku mateeka g'omuggalo ku...

Rtd. Sgt. Kyazike

Owa UPDF gwe baafera asobeddwa

EYALI omuserikale w'eggye lya UPDF abafere baamulimba okumuguza enju oluvannyuma ne bamwefuulira ne bamukuba kalifoomu...

Museveni

Obuwumbi 11 ez'abasomesa mmye

ABASOMESA balojja ennaku gye bayitamu oluvannyuma lwa ssente pulezdienti ze yawa SACCO yaabwe bwe zabbibwa ne bamusaba...

Aba bodaboda ku siteegi y’e Makerere nga bajjuza obukonge bwa Gabula Ssekukkulu, Ku ddyo ye Donozio Ssempeebwa ssentebe waabwe.

Bukedde bw'agabula tewali a...

ABAVUZI ba bodaboda nabo beegasse ku bantu abalala okukunga bannaabwe okwetaba mu kujjuza akakonge ka Gabula Ssekukkulu...

Pulezidenti Museveni ng’atuuka ku mukolo gw'okukuyega abakulembeze mu Mbale.

Ab'e Mbale basabye Museveni...

MUSEVENI bwe yabadde mu Bugisu baamubuulidde ebintu ebikulu bye baagala akole olwo basobole okumuyiira obululu...