TOP
  • Home
  • Amawulire
  • Eyali awola ssente azzeeyo mu nnimiro okusobola okuyita mu muggalo gwa Covid19

Eyali awola ssente azzeeyo mu nnimiro okusobola okuyita mu muggalo gwa Covid19

Added 23rd May 2020

ENSWA bw'ekyusa amaaso naawe ng'envubo okyusa ne Charles Tamale envubo agikyusirizza mu nkumbi okubaako ettofaali lye yegattako mu muggalo gwa COVID 19 ogwagotaanyizza emirimo gye egy'okuwola ssente mu kampuni ye eya Tambridge investments Ltd.

Agamba nti wadde kampuni ye mpandiise ng'erina layisinsi ya Uganda Microfinance Regulatory Authority (UMRA) era nga tebaggalwawo naye Coronavirus oba ssenyiga omukambwe yagisanyalazizza.  

Tamale ensimbi aziwolera mu Lukaya e Kalungu n'e Kampala ng'agamba nti bizinensi eno eyimiriddewo ku basuubuzi abaagala okuzizaazamu amagoba ng'emirimo olwaggalwawo n'abewola ne balekera awo.

Olw'omugaggalo ogutaliiko bbanga ggere,yasalawo akwate enkumbi ng'asimbiddemu endokwa z'emmwanyi 300 ez'ekika kya Cutting n'endu z'ebitooke 350 mu yiika bbiri  ez'ettaka ku kyalo Lutente mu Lukaya.

Agamba nti omwazi guno we gunnagwerako ng'asimbye endokwa 1000 ez'emmwanyi ng'asuubira nti mu myaka ebiri ajja kuba atandise okukungula.

Takomye awo era Tamale yefunyiridde mu kusimba omusiri gwa lumonde nga mu kiseera kino yakasimba yiika 4 gw'agamba nti y'ajja okumwanguyiza ku ssente.

"Omuggalo gumpadde obudde okutandika obulimi obwesigamiziddwa ku mulamwa gw'ebyenfuna okusobola okuzibikira bye nfiiriziddwa mu kusanyalazibwa kwa Coronovirus",Tamale bw'annyonnyola.

Gwe alina w'olimira,omuggalo ogweyambisizza otya okugunjaawo ekkubo eddala ery'okuggamu ssente?

 

 

alt=''

 

More From The Author

Emboozi z’omuwandiisi endala

Emboozi endala

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...

Lubega

Ebikonde sibyevuma - Lubega

OMUGGUNZI w'ehhuumi, Joey Vegas Lubega annyuse ebikonde oluvannyuma lw'emyaka 23 bukya alinnya kigere kye ekisooka...

Donald Trump

Trump alemeddeko ku by'akal...

EBY’AKALULU ka ssaayansi byongedde Donald Trump n’ategeeza nga bw’ali omusajja omukulu atayinza kukkiriza kuleka...

Paapa eyawummula Joseph Aloisius Ratzinger

Paapa Joseph Aloisius Ratzi...

PAAPA Benedict XVI eyawummula ng’amannya ge ag’obuzaale ye Joseph Aloisius Ratzinger muyi. Ratzinger 93 obulwadde...

Abaabadde balambula ppaaka ekolebwa.

Abakola ppaaka enkadde bale...

Bakansala ba KCCA abatuula ku kakiiko akateekerateekera ekibuga n’okuzimba nga bali wamu n’abakugu baalambudde...