Vision Group yaatongoza empaka za 'University Quiz Competition'

N’ebya Ibrahim Ruhweza

KAMPALA

Kampuni ya Vision Group yaatongoza empaka za University quiz competition eriizooba aha kitebe kikuru kya Vision Group omuri Kampala. Empaka ezi niziija kwetabwamu amatendekyero ga za Yunivasite 16 omu eihanga ryona.

David Mukholi, Managing Editor wa kampuni ya Vision Group naagira ngu empaka ezi niziija kureeba abarazeetabemu kuruga omuri za Yunivasite barikugarukamu ebibuuzo omu bwire oburabaheebwe hamwe n’okushwijuma amagyezi gaabo.

Editor in chief wa Vision Group, Barbra Kaija n'abandi aha mukoro gw'okutongozaho empaka za University Quiz Competition aha kitebe kikuru kya Vision Group, Kampala Orwakabiri.

Mukholi nakyoreka ngu ogu n’omuringo ogundi ogw’okushwijuma amagyezi gaabo kurenga aha bi barikushomesibwa omu bibiina. 

Naagira ngu abeegi abamwe oihireho ebi barikushoma ebyine akakwate n’amashomo gaabo, nibaija kuba nibabuuzibwa enshonga ezindi eziriho nk’omu by’obutegyeki, empinduka y’obwire, eby’emizaano, eby’ediini, eby’obuhangwa n’ebindi.

Naagira ngu ebibuuzo nibyija kuba nibitaana nk’oku birikwija kuba nibyihwa omu by’esente, eby’entaasya, Socials Sciences, ebirikufa omu eihanga n’aheeri y’eihanga hamwe n’ebirikushemeza.

Wanyama Wangah, Omushugaanisa w’ebibuuzo by’empaka ezi nakyoreka ngu empaka ezi zigyendereire kuteera abeegi omuhimbo gw’okushoma. 

Empaka ezi nizishagikwa Bank of Uganda kandi niziija kuba nizoorekwa busimba ahari za Tiivi zoona eza kampuni ya Vision Group okurugiirira ahari Lorraine Tukahirwa, orikukora nka mukuru w’eby’obutare n’empurizana omu kampuni egi.

Omugyenyi mukuru n’omuhwezi wa governor wa Bank of Uganda, Michael Atingi.

Omuhwezi wa governor wa Bank of Uganda, Michael Atingi hamwe na mukuru wa Vision Group, Don Wanyama aha mukoro gw'okutongozaho empaka eza University Quiz Competititon aha ofiisi za Vision Group, Kampala. Photo by Mpalanyi Ssentongo.

#WestUpdates