Okukuza emyaka 30 y’ekiita-bantu ky’abatutsi ekya 1994

Okukuza emyaka 30 y’ekiita-bantu ky’abatutsi ekya 1994

N’ebya Omushaki Waitu

Abeebembezi b’amahanga n’abarikukurira ebitongore bari omuri Kigali, Rwanda kukuza emyaka 30 bwanyima y’ekiita bantu ky’abatutsi eky’omwaka 1994.

Bamwe abaahikire omuri Rwanda harimu Enganzi y’eihanga erya Ethiopia, Abiy Ahmed Ali na Purezidenti wa Madagascar, Andry Rajoelina.

Owabaireho purezidenti wa America ajwekyeire tiimu kuruga America obwo arikujwekyera Purezidenti Joe Biden.

Tiimu ye erimu Mary Catherine Phee, omuhwezi w’omuhandiiki w’enshonga za Africa na ambassada wa America omuri Rwanda, Eric Kneedler.

Minisiture y’enshonga z’aheeru y’eihanga tiyagamba abarajwekyere Uganda ahamukoro ogu.

Abantu barikurenga omu kakaikuru kamwe bakaitirwa omu Ekiita-bantu eki ekyabaireho kwiha Okwana kuhisya Okwamushanju 1994.

Emikoro y’omwaka egi eya #Kwibuka30 nekuzibwa ahansi y’omutwe “Kwibuka Twiyubaka” ekirikumanyisa; okwijuka, okukwatanisa n’okugaruka busya.

#WestUpdates