Kooti eikiriize Zuma kwesimba omu ka South Africa.
N’ebya Omushaki weitu
SOUTH AFRICA- Owabaireho Purezidenti wa South Africa, Jacob Zuma obwa hati aine nayikirizibwa kwesimba omu karuuru ka kooba akarikuza kuteerwa omu kwezi kwa 5 bwanyima y’okusinga omushango omu kooti ogw’okumuzibira kwesimba.
Okwezi okuhwaire, akakiiko k’eby’oburuuru kakazibira Zuma kwesimba ahabw’okugira ngu akasingisibwa omushango ogwine akakwate n’obushomankuzi.
Akakiiko kakagira ngu engyenderwaho y’eihanga eryo terikwikiriza omuntu weena kuza omu ofiisi yoona eya gavumenti yaheza kusingisibwa omushango kandi akacwerwa kukomwa ameezi 12 omu kihome.
Jacob Zuma, 81, atwire narondera ekigombe ekisya ekya uMkhonto we Sizwe (MK) party akaruuru.
Zuma, owabaire ari ekikongi ky’amaani omu kigombe ekiri omu bwebembezi ekya ANC akabaho Purezidenti wa South Africa kuruga omu mwaka gwa 2009 kuhisya 2018 obu yaruga omuntebe egyo ahabw’emishango eine akakwate n’obushomankuzi.
#WestUpdates
No Comment