Purezidenti wa South Africa ahikire omu Uganda ahabw’orutaayaayo rwe orutongore.

N’ebya Beth Akatukunda

ENTEBBE,

Purezidenti wa South Africa, Cyril Ramaphosa ahikire omu Uganda nyomwebazyo ebiro 15/04/2024 ahabw’orutaayaayo rwe orutongore.

Ramaphosa ayakiirwe minisita w’eihanga ow’enshonga z’aheeru, John Mulumba aha kishaayi ky’enyonyi ekya Entebbe.

Purezidenti wa South Africa, Cyril Ramaphosa ahikire omu Uganda nyomwebazyo ebiro 15/04/2024.

Purezidenti Ramaphosa ayetsirwe Purezidenti Yoweri Museveni kandi abeebembezi aba babiri nibateekateekwa kubuganaho erizooba Orwakabiri bakaganiira aha nshonga ezikwatiraine n’amahanga aga 2.

Orukiiko rwabo nirwija kuba aha maka g’obwa Purezidenti, Entebbe.

Purezidenti wa South Africa, Cyril Ramaphosa ahikire omu Uganda nyomwebazyo ebiro 15/04/2024.

Purezidenti Ramaphosa aheereruka kwija omu Uganda omu kwezi kw’okubanza obu ayetaba omu ruteerane rw’amahanga agarikwegaitira omu kigombe ekya Non-Aligned Movement (NAM). Oruteerane orwo rukaba ruri orw’omurundi gwa 19.

#WestUpdates