Ateire omukazi we ahabwa meesegi za WhatsApp- Hoima,

N’ebya Omushaki weitu

HOIMA- Pooriisi omu rurembo orwa Hoima ekwatsire omushaija w’emyaka 47 ahabw’okugambwa kuba ateire omukazi we akamukora kubi ahabwa meesegi z’aha Whatsapp.

Steven Nyakatuura naagambwa kuba ateire Christine Mulungi, 42 akamusiga omukoma bwanyima y’okumushanga ariyo nasindikira omushaija ondiijo meesegi za rukundo aha Whatsapp.

Julius Allan Hakiza, Omugambirizi wa Pooriisi ahabw’ekyanga ekya Albertine naagira ngu eki kibaire omu kyaro ekya Kibati omuri Hoima West Divijoni omu rurembo orwa Hoima.

Abatuura bashangire Mulungi omukyagaana ky’eshagama bwanyima y’omsuhaija we kubeeta ngu baije babe abajurizi aha ku ashangire omukazi we aine omushaija ondiijo ou batashangireho.

Abatuura nibateekateeka ngu omushaija ogu abaasa kuba akoriise enkaito y’omukazi we eya kakondo kumuteera aha mutwe n’ebindi ebindi eby’omubiri gwe.

Hakiza nashoborora ngu Mulungi ahairwe ekitanda ah’eirwariro erya Divine Medical Centre omu rurembo orwa Hoima. 

Nahabura abashweriine obutoosha kuguma nibairukangira omu b’obushoborozi baheza kugira obuteikirizana babaase kubahweraho kugonjoora enshonga zaabo.

#WestUpdates