Purezidenti Museveni ayigwireho ekishaayi kya Nakivubo ekiheerize kuhunduuzibwa.

N’ebya Beth Akatukunda

KAMPALA

Purezidenti Yoweri Kaguta Museveni Orwakana ebiro 25/04/2024 ayigwireho ekishaayi kya Nakivubo ekiheerize kuhunduuzibwa.

Purezidenti Museveni ayigwireho ekishaayi kya Nakivubo ekiheerize kuhunduuzibwa.

Ekishaayi eki kirikuza kukorerwaho ebintu bingi kikozirwe omushuubuzi w’amaani omu rurembo Kampala, Hamis Kiggundu ou baingi barikumanya nka Ham.

Omu kwiguraho ekishaayi eki, Purezidenti Museveni asiimire Ham Kiggundu ahabw’omurimo murungi ogu akozire aha kishaayi kya Nakivuubo.

Purezidenti Museveni ayigwireho ekishaayi kya Nakivubo ekiheerize kuhunduuzibwa.

Purezidenti agizire ngu Kiggundu abaasize kureteera ebintu byahikirira hamwe n’okutunguura eihanga rye ahabw’okuba nayikiririza omu kugira ngu ekintu wakitaho omutima nokikora.

Purezidenti Museveni ayigwireho ekishaayi kya Nakivubo ekiheerize kuhunduuzibwa.

Purezidneti Museveni nabwo akyorekire ngu gavumenti neyetenga abanyamyooga omu by’entunguuka nk’aba Ham Kiggundu kuhwera eihanga eri kutunguuka.

Minisita w’eihanga ow’eby’emizaano, Peter Ogwang ahikize okusaasirwa kuruga owa muka mukuru w’eihanga kandi minisita w’eby’obwegyese n’emizaano, Janet Kataaha Museveni ahabw’obutabaasa kuhika aha mukoro ogu beitu agizire ngu nibwo abaire aherize kutaayaayira ekishaayi eki.

Ogwang asiimire Purezidenti Museveni ahabw’okwiguraho ekishaayi ky’eby’emizaano.

Purezidenti Museveni ayigwireho ekishaayi kya Nakivubo ekiheerize kuhunduuzibwa.

Ogwang ayongiire yasiima Ham Kiggundu ahabw’okuta amaani omu kutunguura eby’emizaano.

Nabwo, amanyiise Purezidenti ngu Minisita w’eby’obwegyese n’emizaano ngu omu bwire butari bwa hare naija kumweta aha kwiguraho ekishaayi kya Mandela National Stadium (Namboole) ekiriyo nikihunduuzibwa.

Aha rubaju rwe, Ham Kiggundu asiimire Purezidenti Museveni ahabw’obushagiki obu yahaireyo omu kuhunduuza ekishaayi kya Nakivubo.

#WestUpdates