Aba UETCL murwanise okwiba ebyoma by’amashanyarazi- Minisita Nyamutooro.

N’ebya Apollo Mubiru

Minisita w’eihanga ow’eby’obugaiga bw’omu eitaka, Phionah Nyamutoro nashaba kampuni y’amashanyarazi eya Uganda Electricity Transmission Company Limited (UETCL) okutaho oburyo kurwanisa omuze gw’okwiba ebyoma by’okukora aha laayini z’amashanyarazi kureeba ngu abanya-Uganda boona baatunga amashanyarazi agatarikurugaho.

Kampuni y’amashanyarazi eya UETCL nefeerwa shiringi miriyooni 600 buri mwaka omukuhuunduza n’okugaruzaho ebyoma by’amashanyarazi ebirikuba byibirwe omu eihanga ryona.

Esente ezi niziteekateekwa kwija kweyongyera omuze ogu gwaba gutarwanisiibwe.

Minisita Nyamutoro abaire ataayaayireho kampuni ya UETCL nka gumwe aha mwoga gwe ogw’okurambura ekitongore ky’amashanyarazi.

Nyamutoro asiimire kampuni ya UETCL ahabw’amaani agubateiremu omu kureeeba ngu eihanga ryaguma riryaka nikwo kugira ngu amashanyarazi gaine omugasho muhango aha ntunguuka n’entaasya y’eihanga.

Omu rutaayaayo rwe, amanyisibwe aha mwoga gwa UETCL, amashanyarazi agu ebaasize kushohoza, oku kampuni egi erikukoramu emirimo yaayo oteireho na puraani y’entunguuka eyibiine erikujwarana n’okworekwa kwa Uganda okwa Vision 2040 hamwe n’ekiragiro ky’eby’amashanyarazi ekya Energy Policy 2023.

Nyamutoro asiimire kampuni ya UETCL ahabw’amaani agubateiremu omu kureeeba ngu eihanga ryaguma riryaka nikwo kugira ngu amashanyarazi gaine omugasho muhango aha ntunguuka n’entaasya y’eihanga.

Omu myaka 3 ehingwireho, gavumenti ya Uganda eyongiiremu amaani omu kitongore ky’amashanyarazi kandi minisiture y’eby’amashanyarazi n’eby’obugaiga bw’omu eitaka eriyo negumizamu n’okurwanisa omuze gw’okwiba ebyoma by’okukora amashanyarazi.

Okwiba ebyoma by’amashanyarazi kuteganiise engyenderwaho eyatandikirweho gavumenti kuhisya abantu boona amashanyarazi omwaka gwa 2023 gwaza kuhika. 

#WestUpdates