Obukama bwa Bunyoro bwasiima Vision Group

Obukama bwa Bunyoro bwasiima Vision Group

N’ebya Ambrose Niwagaba Katoto

Obukama bwa Bunyoro bwasiima Vision Group ahabw’okutandikaho rediyo nsya omuri Hoima.

Orikukurira kampuni ya Vision Group, Don Wanyama, orutaayaayo rwe omukikaari ky’omukama wa Bunyoro Kitara yarutandika aha rediyo nsya ei kampuni erikuza kwiguraho omubutongore erikwetwa Kabalega FM 106.9 erikushangwa ahanguuto eya Butyabwa-Kaiso omukyaro kya Kiganda omu rurembo orwa Hoima.

Muhikirwa w'Obukama bwa Bunyoro, Byakutaga..By Mpalanyi Ssentongo

Manegya wa rediyo egi, Martin Kahwa yaabanza okumwanjurira abakozi na bwanyima yamurambuza emyanya ahu abakozi barikuza kuba nibakorera erimu eicencuriro ry’amakuru, eicencuriro ry’amaraka n’oburango hamwe na studio.

C.E.O Don Wanyama arikuramukanisa na Philip Katahoire, Minisita w'enshonga z'aheeru y'Obuakama..By Mpalanyi Ssentongo

Bayegaitwaho Mukuru w’abacencuzi b’amakuru boona omukampuni ya Vision Group, Barbra Kaija nikwo bakekorera omushengo ogwaba gurimu empaya ruhegye, ebitokye, engano, soda hamwe n’ebindi nikwo bakaaza omu kikaari ky’omukama wa Bunyoro Kitara.

C.E.O Don Wanyama, EIC Barbra Kaija...By Mpalanyi Ssentongo

Omuhikirwa w’obukama obu, Andrew Kirungi Byakutaga yasiima kampuni ya Vision Group ahabw’okuheereza rediyo yaabo eiziina ry’omukama Kabalega, emanzi omu Uganda na Africa yoona.

Rediyo ya Kabalega FM 106.9 n’omukura gw’amakuru namba ya 7 ahabwa kampuni ya Vision Group otwariremu TV West, Radio West, Bukedde TV, Urban TV, New Vision, Bukedde TV n’endiijo nyingi.

#WestUpdates