Eishengyero ryainamira owaabeireho Minisita, Joyce Mpanga

N’eby’omushaki Waitu

Eishengyero eriizooba ryataho okushutama okw’omutaano kwinamira owaabeireho Minisita kandi omukugu omuby’obwegyese Joyce Rovincer Mpanga.

Omubiri gw'omugyezi Joyce Mpanga gurikutaaha omu Ishengyero eriizooba

Obwo arikugambwaho nk’omurwanirizi w’obugabe bw’abakazi omu Uganda, omugyenzi niwe yaabeire omukazi wa 3 omuri Bugwa-Izooba bwa Africa kutunga diiguri, omushomesa w’okubanza ow’omukazi ahari Makerere kandi omuhwezi wa mukuru w’eishomero rya Gayaza High School ow’omukazi. 

Eishengyero barikwinamira omubiri gwa Minisita Mpanga

Aha wiikendi,  Purezidenti Yoweri Museveni akaragiira ku omugyezi owarwaniriire oburingaaniza omukikura ky’abantu omu ihanga aziikwa Gavumenti. 
Mpanga akafa yaaheza kuhika ahari Kampala Hospital orwamukaaga oruhwaire ebiro 18.11.2023 aine emyaka 90.
“Aimukire aine obusaasi omukifuba nikwo kwirukangizibwa ahari Kampala Hospital, kwonka afeire yaaheza kuhikaho ati,” Dr. Florence Kasirye, mwine-nyina nikwo yagambeire TV West aha Sande.

Deputy Speaker, Hon. Thomas Tayebwa arikugaaniiraho n'abanyabuzaare b'omugyenzi Mpanga

Naagira ngu omugyenzi abaire ari enyonyozi y’eka. “Niwe muzigaijo kandi akatukorera buri kimwe. N’ahabw’ekyo nitwija kuguma nitumwijuka,” nikwo agizire. 
#WestUpdates