MP Kateshumbwa yaasiiburura abasiraamu omuri Sheema

N'ebya Michael Atwakiire
Omuny'ishengyero ahabwa Munisiparite eya Sheema Dickson Collin Kateshumbwa eriizooba yaasiiburura abasiraamu omu Munisiparite ya Sheema obwe arikubagana nabo ekiihuro nk'omuringo gumwe gw'okukwatanisa nabo omukisiibo eki.

Hon. Dicksons Kateshumbwa n'abandi beebembezi abarimu Hon. Rosemary Nyakikongoro bari ahakiihuro ky'okusiiburura abasiraamu eriizooba ebiro 22.03.2024. PHOTO: MICHEAL ATWAKIIRE

Ekiihuro eki kyahikwaho n'abeebembezi b'amadiini agandi abeebembeirwe Rev. Fr. Vincent Mucunguzi "Masteady" Bwana-Mukuru wa Mushanga Catholic Parish, hamwe na Rev. Fr. Louis Atwine Bwana-Mukuru wa Rwengando, abeebembezi b'abakurisitaayo, nk'omuringo gumwe gw'okworeka obumwe bw'amadiini.

Na bwanyima Omuny'eishengyero, Kateshumbwa, yaaheereza abasiraamu eby'okusiiburukiraho omumaka gaabo ebirimu omukyeeri, entende n'ebindi.

Ogu yayegaitwaho abany'ishengyero abandi abarimu Hon. Rosemary Nyakikongoro hamwe na Prof. Elijah Mushemeza.

#WestUpdates