TOP
  • Home
  • Embaga
  • Omugagga akoze okukyala ne kusinga okwanjula

Omugagga akoze okukyala ne kusinga okwanjula

Added 15th May 2018

OMUGAGGA w’oku Nabugabo, Steven Ssebadduka nga maneja wa kkampuni ya Bob Auto Spare Parts ku luguudo lwa Nabugabo mu Kampala yalaze amaanyi bwe yabadde akyala ewa ssenga wa mukyala we, Ammy Nabagesera ku Lwomukaaga e Wakiso ku kyalo Kasangombe okumpi n’ekitebe kya disitulikiti.

Emikolo gy’okukyala gyabadde mu maka g’omwami Dominic Kato n’omukyala Faridah Nakimera ng’ono ye ssenga wa Nabagesera.

Omuko Ssebadduka yasimbudde mu maka ga kitaawe, Charles Mugalu ne nnyina Betty Mugalu e Kasubi-Lubya ng’awerekerwako oluseregende lw’emmotoka ezaasobye mu 20.

Ye omuko yatambulidde mu mmotoka ey’ekika kya Benz embikkule ng’awerekerwako pikipiki za poliisi nga ziringa eziyisa ebivvulu.

Abatuuze b’e Kasangobe ewaabadde omukolo baasigadde batenda omuko Ssebadduka olw’ebintu ebitali bya bulijjo ebyabadde mu kukyala kuno kuba ebirabo bye baatonedde ssenga w’omukyala byabadde biyitirivu ng’oyinza okukuyita okwanjula.

Omuyimbi Carol Nantongo ye yasanyusizza abagenyi ku mukolo era omuko bwe yabadde asiibula baakubye ebiriroliro mu bbanga ebyasombodde abatuuze okujja okwerabirako okusinga okunyumizibwa.

Nabagesera bwe yalabye ebirabo nga bisusse obungi, yasoose kutyamu n’ategeeza nti bandiba nga babakoze kakodyo ka butadda kwanjula kyokka oluvannyuma omwogezi w’oludda lwa Ssebadduka yategeezezza nga bwe bagenda okudda mu bbanga ttono bakole okwanjula.

 

 

 

 

More From The Author

Emboozi z’omuwandiisi endala

Emboozi endala

NEZIKOOKOLIMA

▶️ Abaana abakoze ebibuuzo ...

▶️  NEZIKOOKOLIMA: Abaana abakoze ebibuuzo ebyakamalirizo musigale nga mukyali baana awaka.  

Ssempijja ng'asomesa abalimi.

Okugattika ebirime kye kiku...

MINISITA w'obulimi obulunzi n'obuvubi, Vincent Ssempijja asinzidde mu disitulikiti y'e Bukomansimbi n'ategeeza...

Abakristaayo lwe basabira wabweru ku Ssande.

Obulabirizi bw'e Namirembe ...

OBULABIRIZI bw'e Namirembe buyingidde mu nkaayana z'ettaka ly'ekkanisa e Kyanja n'ebugumya Abakristaayo  okusigala...

Jonathan McKinstry (wakati) ng'abuulirira Khalid Aucho (ku kkono) ne Mike Azira (ku ddyo).

Micheal Azira naye annyuse ...

MICHEAL Azira agucangira mu kiraabu ya New Mexico United yeegasse ku bassita ba Cranes babiri abakannyuka omupiira...

Nyombi ng'alaga olubuto mw'afulumira.

Afulumira mu kapiira alaajanye

OMUVUBUKA ow'emyaka 32 alaajana oluvannyuma ly'okumulongoosa ekyenda n'atawona nga kati yeetaaga obukadde butaano...