TOP
  • Home
  • Emboozi
  • Obote lwe yakola omuyiggo mu Buganda okwokya Mujaguzo

Obote lwe yakola omuyiggo mu Buganda okwokya Mujaguzo

Added 28th April 2016

Mu byali byettanirwa okusaanyizibwawo mwe mwali ehhoma Mujaguzo. Anti mukwano gwa Obote ayitibwa Kaseera Kibirango Omukunja eyali bindakyalakya yali amaze okwanika ebyama bya Mujaguzo nti y’engoma essa Kabaka ku Nnamulondo. Omuyiggo gwa Mujaguzo gwatandika esaanyizibwewo.

 Mujaguzo

Mujaguzo

Bya NDUGWA GRACE SSEMAKULA

Okuviira ddala ku lwa May 24, 1966 amagye ga Milton Obote lwe gaazinda Kabaka Muteesa mu Lubiri lwe olw’e Mmengo ebigendererwa ebikulu byali bibiri: Kumutta ate n’okusaanyaawo ebintu by’Obwakabaka bwa Buganda.

Amagye gaali galaajana mu buswavu nti ‘Kabaka ametoloka’ ekitegeeza nti Kabaka yali abatebuse n’abaddukako.

Kale Kabaka bw’aba yali abatebuse n’afuluma Olubiri nga mulamu, leka ebintu by’Obwakabaka bye biba bizikirizibwa.

Mu byali byettanirwa okusaanyizibwawo mwe mwali ehhoma Mujaguzo. Anti mukwano gwa Obote ayitibwa Kaseera Kibirango Omukunja eyali bindakyalakya yali amaze okwanika ebyama bya Mujaguzo nti y’engoma essa Kabaka ku Nnamulondo. Omuyiggo gwa Mujaguzo gwatandika esaanyizibwewo.

Wabula era bindakyalakya omuyiggo yaguleetamu omukoosi ate bwe yasamwassamwa n’agamba nti Mujaguzo ziri bbiri: Waliwo eyitibwa Kawulugumo ekubibwa Aboolugave ate n’eyitibwa Namanyonyi ekubibwa Aboobutiko.

Kabaka ne Ndugwa (omuwandiisi)

 

Abaamagye abaazinda Kabaka mu Lubiri lw’e Mmengo nabo baali bakyalombojja ebikolobero bye baakolayo, baagamba nti baali bookezza ehhoma z’Obwakabaka.

Abaffe mu bikumi by’ehhoma ezaayokerwa mu Lubiri e Mmengo mwe mwali ne Mujaguzo ezaali ziyiggibwa? Nedda. Bindakyalakya kino yali takikkiriza, yali akimanyi nti buli Mujaguzo erina Olubiri olwayo olutongole.

Ebigambo yabissaako omutwe n’amagulu n’atuuka n’okubityebeka nga Kawuula Sembuuze Sematiko, Mujaguzo Kawulugumo bwe yali agikwese mu maka ge ag’e Mutundwe.

Mangu ago amaka ga Kawuula gaazindibwa ne gaazibwa kyokka yasangibwayo obugoma bubiri obwa nnamunjoloba naye nga yo eya Mujaguzo mmye!

Kabaka Muteesa bwe yakisa omukono, Obote yasanyuka ate n’afuna n’entiisa. Yafuna entiisa kubanga Engoma Mujaguzo yali ekyabuze.

Waaliwo ebiraga nti Obwakabaka bwa Buganda bwakuddamu okutinta. Okutya kwa Obote kwali kwa nsonga kuba newankubadde ensujju yali evuddewo naye byo ebiryo byali bikyaliwo. Bwatyo Kabaka Muwenda Mutebi yakomawo, Mujaguzo n’ekukunulwayo gye yali ekukuliddwa n’emuvugira n’afuuka Kabaka wa Buganda owa 36.

More From The Author

Emboozi z’omuwandiisi endala

Emboozi endala

Fred Bamwine ng’akwasa Ndisaba ekitabo ky’ensonga z'e Mukono.

Ndisaba akwasiddwa ofiisi

Bya JOANITA NAKATTE                                                                                           ...

David Kabanda (ku ddyo) omubaka wa Kasambya, Haji Bashir Ssempa Lubega owa Munisipaali y’e Mubende ne Micheal Muhereza Ntambi, ssentebe wa disitulikiti y’e Mubende nga bawayaamu.

Abaalondeddwa ku bubaka mu ...

ABAAWANGUDDE ebifo by’ababaka ba palamenti ku kaadi ya NRM mu konsitityuwensi ez’enjawulo mu Disitulikiti y’e Mubende...

Matia Lwanga Bwanika owa Wakiso.

Ssentebe afunira mu nsako

Eyali Sipiika wa Jinja munisipaali oluvannyuma eyafuulibwa City, Moses Bizitu yategeezezza nti bassentebe ba disitulikiti...

Bakkansala ba Kampala nga bateesa mu City Hall gye buvuddeko.

Omusaala ogulindiridde aba ...

Bya MARGARET ZALWANGO OKULONDA kwa bassentebe ba Disitulikiti, bammeeya b'ebibuga (cities) ne bakkansala b'oku...

Omulabirizi Luwalira ng'asimba omuti.

Ekkanisa ne bwekwata omulir...

Omulabirizi w'e Namirembe, Rt. Rev. Wilberforce Kityo Luwalira agumizza Abakristaayo nti wadde sitaani asiikudde...