Ebikoola bya muwogo bizibukula ennyindo ezikutte

WALIWO ssennyiga ne lubyamira lwe bikuzimbako akayumba, ng’okussa omukka luba lutalo olw’ennyindo eziba zizibikidde nga tezeggula, ne kikuwaliriza okwasaamirira osobole okussa. E Busoga, ssennyiga ow’ekika kino bamujjanjabisa ebikoola bya
muwogo n’ogattamu n’eby’ekifumufumu, olwo ebikoola by’ofumbye n’obikozesa okunyiganyiga oba okuvumba omulwadde ng’osookera mu kyenyi, wakati w’omutwe n’enkoona.
Ekirungo kyawulemu emirundi ebiri, ky’onyiga omulwadde ku mutwe ne ky’onywesaako omulwadde ekitundu kya tampeko buli luvannyuma lw’essaawa ssatu. Enjuba w’egoloobera ng’ennyindo zigguse, nga n’obuzito obubadde mu kiwanga bugenze