Ebivaako ekirime okukunkumuka ekimuli by'osaanye weetegereze

SINGA engeri ebirime gye bimulisaamu era bwe bibala, omulimi yandyesiimye ekisusse.

Ekimuli ky’ekirime mwe muva ebibala singa kiba kisobodde okunywerera ku kikolo okutuusa ekiseera mwe kikulira.

Dr. Alexander Ssamula, omukugu mu kwekebejja ebirime mu minisitule y’ebyobulimi, obulunzi n’obuvubi agamba nti, ebirime byonna bisobola okuteekako ebimuli bulungi wabula ebisinga n’oluusi byonna ne bikunkumuka nga tebinnakola bibala. Agamba nti, ensonga ziba za njawulo ezivaako embeera eno omuli :

l Enkyukakyuka mu mbeera y’obudde mu bwangu omuli; ebbugumu n’akasana akasukkiridde ng’ekimuli kyakateekako.

l Ettaka okubeera nga lirina ebiriisa ebibulamu kyokka nga byetaagibwa ekimera n’ekimuli okukwata. l Amazzi agasukkiridde wansi mu mirandira gy’ekirime nago gayinza okuvaako ekimuli okukunkumuka.

l Obuwuka obusukkiridde oluusi nabwo bukosa enkula y’ekimuli.

l Endwadde ezitera okulumba ebirime eby’enjawulo nazo zisobola okuvaako ekimuli okuyiika nga tekinnabala.

Dr. Ssamula agamba nti, embeera eno bw’etuuka ku nnimiro kyandibadde kirungi okwebuuza ku bakugu naddala abalimisa mu kitundu n’oyambibwa.

Oluusi ebirime biba byetaaga okufuuyira eddagala erikuuma ekimuli n’eryo eritta obuwuka obukitawaanya, wabula nga kino kirina kukolebwa oluvannyuma lw’okuluhhamizibwa abakugu.

Oluusi kiba kyetaaga n’okupima ettaka okuli ebirime ebyo okuzuula oba likwatagana n’ebirine ebyandisimbibwako.