Ebivaako abasawo okubulwa endwadde
MOSES Oucho,57, ow’e Nsangi aleeanya n’amagulu lwa katulututtu akaatandikira ku kakongovvule k’okugulu okwa kkono.
Oucho mu bulumi, agamba obulwadde obumuluma bukyabuze.
MOSES Oucho,57, ow’e Nsangi aleeanya n’amagulu lwa katulututtu akaatandikira ku kakongovvule k’okugulu okwa kkono.
Waayita ennaku mbale n’okwa ddyo ne kukwatibwa. Kati emyezi musanvu nga Oucho apooca n’obulumi. Agamba nti, abunye amalwaliro nga ne Kkulu e Mulago yamalayo emyezi esatu kyokka obulwadde bukyabuze.
OBULWADDE LWE BWEKWEKA
Dr. Stephen Lwanga okuva kuAkharmuh Health Centre m Ndeeba, agamba nti, kiyinza
Ekirwadde kiyinza okuba ekipya nga tewannabaawo byuma bikiraba mangu, ate oluusi nga kirina obubonero obufaanagana n’obw’obulwadde obulala.
Obuwuka bw’obulwadde obumu buba n’enkola y’okukyukakyuka ng’ebyuma tebyanguyirwa kubuzuula.
ABASAWO LWE BAVAAKO OBULWADDE OKUBULA
1 Enkuuma y’ebikozesebwa : Ebyuma ebikebera obulwadde birina embeera y’ebifo ennambike mwe birina okukuumirwa. Ebyuma ebirina okukuumirwa mu bifo ebitaliimu bbugumu bwe bikuumirwa mwe liri biyinza obutakola mulimu mu butuufu bwagwo.
2 Enkuuma y’omusaayi embi : Omusaayi oguggyiddwa ku mulwadde abasawo bakebere
ebirimu omusawo singa agukuumira mu kifo oba mu kacupa akatali kasaanikire, obuwuka buyinza okutoloka oba okufa omusawo n’akebera nga tewali ky’alaba.
3 Sampulo y’ebinoonyezebwamu obulwadde singa bitabulwa ne bitakwatagana nakyo kibuza obulwadde obutuufu obuluma omuntu.
Omusawo ayinza okukola ensobi nga yakung’aanya sampulo y’omusaayi gw’omulwadde omu kyokka mu butanwa n’agusibako erinnya ly’omulwadde omulala. Kino kya bulabe kubanga kivaako okufuula atalina bulwadde nti abulina ate abulina n’abuggibwako mu bigambo.
OMUSAWO AWADDE AMAGEZI
Dr. Lwanga agamba nti, kino kya bulabe eri abalwadde bombi kubanga omu oba bombi bayinzaokujjanjabwa endwadde ezitali zaabwe. Agamba nti, embeera eno tetera kubaawo naddala ng’abasawo abali ku mulimu batendeke bulungi. Omulwadde ayinza okuddamu n’aggyibwako ebikeberwa okuzuula oba waaliwo obutakwatagana bwa sampulo. 4 Obukoowu bw’omusawo : Omusawo muntu ng’abalala, ayinza okukung’aanya ebintu mw’agenda okunoonya obulwadde kyokka n’akolamu
ensobi n’evaako obulwadde okubula.
5 Omusawo ayinza okukola ensobi ku kakebe ka sampulo n’awandiikako nti, temuli bulwadde ate ng’oluusi bubaddemu.
6 Singa omusawo akozesa ebyuma ebitatuukana na mulembe. Obulwadde olumu bukyusa enkola oba amabala nga bugezaako okudduka abalabe. Mu kino butuusa ekiseera nga n’ebyuma birina okukyuka.
OMULWADDE LW’AVAAKO OBULWADDE OKUBULA
Dr. Brian Arinaitwe owa AAYAA LIFE CARE mu Ndeeba, agamba nti, ekimu ku by’obulabe era ekivaako obulwadde okubula z’ensobi ezikolebwa omulwadde yennyini, okuli:
1 Okunnyonnyola entandikwa y’obulwadde : Omulwadde atajjukira bulungi ngeri bulwadde gye bwamulumbamu
ayinza okuvaako obulwadde okubula. Omuntu ateekwa okulunda omubiri gwe nga
ekituuka ku mubiri gwe amanya kwe kivudde n’engeri gye kitandise.
2 Omulwadde okwewandiikira eddagala : Kya bulabe omulwadde okweteeka ku ddagala eritamulagiddwa musawo mukugu. Eddagala erimu likonya obulwadde oba okuleetera obuwuka okwekweka ebyuma ne bitasobola kuzuula bulwadde.
3 Omulwadde okukozesa ekika ky’eddagala ku lunaku lw’agenda okukeberwa. Obulwadde obumu bubula okumala akabanga singa omulwadde agenda okumukebera ng’amize oba okunywa ekika ky’eddagala ekitamulagiddwa musawo. Kisaanye ogoberere amateeka g’omusawo osobole okuyambibwa. 4 Omulwadde obutajjukira bizze bituuka ku mubiri gwe : Endwadde ezimu zitandika mu ngeri nga nnyini mubiri yekka (omulwadde) y’alina okugimanya. Ekifuba kiyinza okuluma omuntu ate nga mu
bukugu bw’ekisawo kirina kye kiranga kyokka omulwadden’atakibuulira musawo ow’obutakijjukira.
5 Omulwadde okuva ku biragiro by’abasawo : Omulwadde eyagaanibwa okunywa omwenge oba ekirala kyonna ayinza okukikozesa ne kibuza obulwadde. Abasawobagamba nti, tekitera kubaawo endwadde okubula, era ekitongole ky’ebyobulamu mu nsi yonna ekya World Health Organisation n’ebirala bakola butaweera, era okuwulira ku kirwadde ekipya basitukiramu nga bwe kyali ku bulwadde bwa COVID 19.
BAWADDE ABALWADDE AMAGEZI
Dr. Lwanga agamba nti, obulwadde obuzuulwa nga tebumanyiddwa butera okutuumibwa amannya agalina akakwate n’abazuula eddagala oba ekirala. Awa eky’okulabirako kya COVID 19 nti, bwatandika okumanyibwa mu mwaka 2019.