TOP

Omusajja olumaze okumwanjula n'atundira mukazi we mu nju

Added 4th October 2015

OMUSAJJA abadde yaakanjulwa, atabudde abooluganda bw’asuulidde mukyala we ebintu wabweru n’amugamba nti amaka yagatunda dda.

Bya JOSEPH MAKUMBI

OMUSAJJA abadde yaakanjulwa, atabudde abooluganda bw’asuulidde mukyala we ebintu wabweru n’amugamba nti amaka yagatunda dda.

Isaac Menya Nalugoda, nnannyini kkampuni enzimbi eya Bageya Construction Company esangibwa e Kamuli Kireka yasuulidde mukyalawe Prossy Nansamba gwe yayanjula mu September w’omwaka oguwedde ebintu wabweru n’amulagira okugenda abeere mu muzigo kubanga ennyumba yagitunze.

Nansamba annyonnyola bwati; “Maze ne Nalugoda emyaka mwenda ng’omwana waffe omukulu wa myaka musanvu era bulijjo abadde mwami eyeeyagaza okutuusa mu July w’omwaka guno embeera ye bweyakyuka.

Alina omukazi Omutanzania gwe manyi nga maama Anna gwe yaleeta awaka n’amulambuza ennyumba ne kkalina gye tuzimba n’amugamba nti mwe tugenda okusengukira.

Okuva omukyala ono bwe yajja awaka omusajja yakyuka, emirembe ne gituggwaako.
Buli kiro twazuukukanga ne tusaba naye bwe nnamuzuukusanga ng’agaana. Lumu yansanga nga nsaba n’ankuba nga kwatadde n’okunnangira nti musabira afe.

Omukozi w’awaka Fiina Nabirye agamba nti: Nnagenda okujja awaka wano ng’omwami alina obutakkaanya n’omukazi ng’olumu yabazuukusa mu kiro n’abagamba nti bajje bawulire ng’omukazi amusabira afe.

Olunaku olumu omwami yangoba awaka nti muviire era nnasula wa Kojja wange e Kireka. Omukyala yampita era bwe yansangawo n’ambuuza ekinkomezaawo kwe kumugamba nti omukyala yampise muyambe ku mwana.

Amaka ga Nalugoda agaatundiddwa

Waliwo bwe yajja n’aggalawo ennyumba nga yasooka ku nziggyako ssimu era olwamala okussaako amakufulu n’anziriza essimu nga bw’agamnba nti kalabe omukazi bwanaayingira ennyumba.

Poliisi tennyambye: Nansamba agamba nti agenze ku poliisi y’e Kira enfunda eziwerako kyokka n,atayambibwa. era yasaba
n’omusirikale amukuume olw’okutya omusajja okumutuusaako obulabe ne bamumuma.

Ku Lwokutaano, Nalugoda yapangisizza bakanyama ne balumba amaka banfulumye n’ebintu ebyabadde bisigadde mu nnyumba babitwale mu kazigo e Bweyogerere gye baatwala ebyasooka kyokka baganda be abaakulembeddwa mwannyina
Charles Buyinza ne babalemesa okubitwala.

Mu kulwanagana kuno Buyinza yakubiddwa n’afuna ebisago ku mukono ne baguyuza kyokka poliisi n’emuggulako omusango
ogw’okukuba mukodomiwe Menya nga guli ku fayiro nnamba SD: 14/25/09/2015 .

Kyendowooza omusajja annimba kubanga mu bbanga lya myezi mukaaga okuva bwe yanziggyako emmotoka gye yampa mu kwanjula yakaleeta abantu mukaaga nga bonna bagamba nti yabaguza ennyumba eno era ng’endagaano gye baleeta teyawuka kubanga omuntu gw’agamba nti ye yagula y’omu. Nsaba abakulu mu poliisi banyambe 

Omusajja olumaze okumwanjula n’atundira mukazi we mu nju

More From The Author

Emboozi z’omuwandiisi endala

Emboozi endala

Abaasomerako e Kako nga bawaayo ebintu

Abaasomerako e Kako bawadde...

ABAYIZI abaasoomerako e Kako abeegattira mu kibiina kya Kako Old Students Association (KOSA) badduukiridde essomero...

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...