TOP
  • Home
  • Gallery
  • Ennyanja ya Kabaka eboozi amazzi ne gasalako abatuuze

Ennyanja ya Kabaka eboozi amazzi ne gasalako abatuuze

Added 12th September 2020

Ennyanja ya Kabaka mu Ndeeba ejjudde nebotola, amazzi negabuna ebyalo emirimu negisannyalala.






Kino kivudde ku namutikwa w'enkuba etonnya obutasalako ennaku zino, ekyaviiriddeko amazzi agava mu bitundu bya Lubaga eby'enjawulo okuggweera mu nnyanja eno, eyajjudde n'eremererwa, n'ebotola ettaka eryassibwa ebbali waalyo okutangira amazzi okuyiwa mu bantu, amazzi ne gabuna ebyalo.

Abatuuze mu zooni eziriraanye ennyanja eno okuli; Kayanja zone, Spire, Nsiike I ne II, Kabowa byonna bikoseddwa amataba, era bizinensi z'abantu nnyingi ne zoonoonebwa byansusso.

Amaduuka agaliraanye ennyanja gonna gaayingiriddwa amazzi, ebyamaguzi ne biseeyeya, ebimu ne bitwalibwa amazzi agaabadde amangi, era bannannyini maduuka baggaddewo ne badduka okwetegula ekibabu.

Gajjuza omwala gwa Nalukolongo Channel ogulina ensibuko yaagwo okuva ku nnyanja eno, ne gubooga nagwo ne gugenda nga guyiwa mu batuuze mu bitundu gye guyitira, olw'obungi bwago n'obungi obuva mu nnyanja obutasalako, amazzi buli we gaagenze bakira tegeetoolako, ekyayongedde okusannyalaza emirimu.

Abatuuze olunwe balusonze mu bagagga b'omu Ndeeba okuli; Dodoviko eyagula ekyalo kya Spire zone naayiwa ettaka n'okuziba emyala, omusumba Robert Kayanja eyagula ettaka okuliraana ennyanja, st Lawrence university, okuziba emyala n'okusaanyawo ebitoogo amazzi wegawummuliranga, nga kati gonna gaggukira mu nnyanja butereevu ekigiviitiddeko okulemererwa.

Balaajanidde gavumenti ne Mengo okubaako eky'amangu kye bakolera ennyanja eno ng'amazzi tegannasaanyawo bulamu bw'abantu.

Joseph Kazibwe, amyuka ssentebe wa zooni ya Kayanja agamba nti, ekizibu be bagagga abazimba ebizimbe ne baziba emyala, ate ne payipu eziyita mu luguudo lwa Masaka Road mu Ndeeba okuyiwa ku Nalukolongo Channel nfunda tezitwala mazzi mangi, ng'ennyanja bw'ejjula ennyo baba gadda mu bantu.

 

More From The Author

Emboozi z’omuwandiisi endala

Emboozi endala

Omuzannyi wa Villa (ku kkono) n'owa Busoga United nga bagoba omupiira mu gwa liigi ogusembyeyo. Baagwa maliri, 1-1.

VILLA ETUNUZZA OMUDUMU MU UPDF

Leero (Lwamukaaga) mu Liigi (10:00); SC Villa - UPDF, Bombo Onduparaka - Vipers, Arua KCCA - Kitara, Lugogo Bright...

Cheptegei ng'ajaganya.

Likodi za Cheptegei zimweyi...

ENJOGERA egamba nti ‘Katonda nga yaakuwadde, n'ennume ezaala' etuukira bulungi ku muddusi Joshua Cheptegei. Ye...

Ivana Ashaba (mu maaso), owa Hippos ng'alemesa owa Burkina Faso okutuuka ku mupiira.

Hippos eyiseemu kavvu

ENKAMBI ya ttiimu y’eggwanga ey’abatasussa myaka 20 (Hippos), yeeyongeddemu ebbugumu, FUFA bwe baawadde doola 80,000...

Ttakisi mu paaka enkadde.

'Bbeeyi y'entambula esusse'

ABABAKA ba palamenti bennyamivu olw’ebisale by’entambula ebyeyongera okulinnya buli lukya ekinyigiriza abasaabaze....

Fr. Kabagira ne Fr. Mubiru nga baganzika ekimuli ku ntaana ya Ssaabasumba Joseph Kiwanuka mu Eklezia e Lubaga.

Bajjukidde Ssaabasumba Kiwa...

ABAKKIRIZA bajjukidde Ssaabasumba Joseph Nakabaale Kiwanuka eyafa nga February 22, 1966 n’aziikibwa mu Eklezia...