Ofiisi y’enganzi y’eihanga ehaire obuhwezi abateganisiibwe orutaro omu West Nile

Ofiisi y’enganzi y’eihanga ehaire obuhwezi abateganisiibwe orutaro omu West Nile

N’ebya Adam Gule

Ofiisi y’enganzi y’eihanga ehaire kiro 30,000 z’obuhunga na kiro 15,000 z’ebihimba ahabantu ba disiturikiti za Moyo na Yumbe omukyanga ekya West Nile abateganisibwe okurwana okubarukireho ahansharo ya Uganda na South Sudan.

Okurwana oku kukabarukaho ahabiro 7/5/2023 ahagati y’aba Kuku omu South Sudan na Amadi omu Uganda.

Abantu barikurenga 2000 batsigaire bataine butuuro omubyaro ebya Embe, Linyamiro, Etia na Gobiri omugomborora ya Lofori omu disiturikiti ya Moyo hamwe n’ebyaro ebya Feyo na Alema omuri Yumbe.

Geoffrey Sseremba, omukuru omu ofiisi y’enganzi y’eihanga ahandiikire diisi wa Yumbe agumize ngu obuhwezi obu n’obwokuhebwa abantu 3,218.

Ceyamaani wa disiturikiti ya Yumbe, Abdulmutalib Asiku asiimire gavumenti ahabw’obuhwezi obi.

Asiku naagira ngu batwaire nibabaho n’obuhwezi bw’ebyokurya kuruga omu bitongore ebya UNHCR na World Food Program kwonka bihwaireho wiiki ehwaire.

Omuny’eishengyerokazi wa disiturikiti ya Yumbe, Avako Melisa Naima Gule owahaireyo enshonga egi omu maisho g’eishengyero asiimire gavumenti.

Beitu hoona nashaba gavumenti okubongyera obuhwezi bw’eby’okukoresa nka burangiti, emicheka n’ebindi.

#WestUpdates