TOP
  • Home
  • Emboozi
  • Ani anaasimattuka ekibbattaka n'ekisengulabantu mu 2013?

Ani anaasimattuka ekibbattaka n'ekisengulabantu mu 2013?

Added 2nd January 2013

ABANTU bangi bagobeddwa ku ttaka mu mwaka 2012. Wabula wadde Minisita w’ebyettaka Aidah Nantaba afubye okugonjoola endooliito ku ttaka omwaka oguwedde, bangi beeraliikirivu nti 2013 yanditandika n’okubagoba ku ttaka kwe bamaze ebyeya n’ebisiibo. Kalondoozi wa Bukedde akulaze engeri wonna mu Buganda

ABANTU bangi bagobeddwa ku ttaka mu mwaka 2012. Wabula wadde Minisita w’ebyettaka Aidah Nantaba afubye okugonjoola endooliito ku ttaka omwaka oguwedde, bangi beeraliikirivu nti 2013 yanditandika n’okubagoba ku ttaka kwe bamaze ebyeya n’ebisiibo. Kalondoozi wa Bukedde akulaze engeri wonna mu Buganda abantu gye balindiridde okusengulwa ku ttaka.

BANNAYUGANDA baayanirizza omwaka omuggyaogwa 2013 mu sitayiro. Wonna ng’owulira bakuba enduulu, batulisa ebiriroliro n’okwokya ebipiira.

Wabula wakati mu kujaganya kuno, bangi balimu kutya nti oba guno gwe mwaka mwe bagenda okugobwa ku ttaka!

E Kayunga, Minisita Aidah Nantaba gye yazzizza abatuuze ababadde bagobwa omugagga mu bibanja byabwe, abaayo bakyalimu okutya oba omwaka 2013 gunaaleetawo enkyukakyuka era ne baddamu okugobwa.

N’abatuuze b’e Vvumba ekisangibwa mu Disitulikiti y’e Luweero nabo bakyasattira oluvannyuma lwa kkampuni ya Zion okugula ettaka yiika ezisoba mu 300, ku mukadde Norah Nabikande abamu lye bagamba nti ttaka lya Bwakabaka.

Ssentebe w’e Vvumba Herbert Musoke bwe nayogeddeko naye yang’ambye nti: Ffe kye tumanyi nti ettaka lino lya Bwakabaka era edda nga bakadde baffe obusuulu babuwa ewa eyali Nabikande Tereeza Basirika eyo mu myaka gya 1960.

Tuzze tutambula bwe tutyo, wabula mu 2008, Nabikande yawulira ng’amaanyi gamuwedde kwe kusalawo okuleeta Sserebe (Katikkiro we) era eyakung’aanyanga busuulu mu bantu, naye ffe tukimanyi nti ettaka lya Kabaka. Nabikande kitiibwa, era ono aliko yasikira Basirika eyaliko. 

Ku mulembe gw’ono abantu baatandika okwegula, kyokka nga tabawa byapa naye nga bakola ndagaano. Mu 2010 Nabikande yakyusa Katikkiro we n’aleeta omulala ayitibwa Bugoba, wabula Bugoba ate ebintu yabyonoona n’akatagga! Yatandika okusala ku bibanja by’abantu ng’abitunda olwo ng’abalekerawo kawugiro, ate n’akawugiro ke yabalekera baakaguzizza kkampuni ya Zion!

Mu 2011 twatandika okuwulira oluvuuvuumo nti Zion yaguze ettaka lino, naye nze nga ssentebe w’ekyalo ssaabimanya. Twalabidde awo nga tulakita zitandika okusenda emmere y’abantu era enjala tetumanyi gye tugenda kugidda mu 2013, abazadde batuuse n’okulemwa okuzza abaana ku masomero kuba ssente za fiizi bagenda kuzigulamu mmere.

Ani anaasimattuka ekibbattaka n’ekisengulabantu mu 2013?

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...