TOP

Ababaka bakuyegedde mu lumbe

Added 6th April 2010

Ababaka abaakulembeddwaamu Dr. Chris Baryomunsi (NRM Kinkinzi East),  Haji Ibrahim Lubega Kaddunabbi (NRM Butambala), Margaret Muhanga (NRM Mukazi Kabarole) Kasule Lumumba, Odonga Otto, (FDC Aruu), Simon Oyet (FDC Nwoya) Elijah Okupa (FDC Kasiro) n’abalala obwedda buli akwata akazindaalo ng’olu

Ababaka abaakulembeddwaamu Dr. Chris Baryomunsi (NRM Kinkinzi East),  Haji Ibrahim Lubega Kaddunabbi (NRM Butambala), Margaret Muhanga (NRM Mukazi Kabarole) Kasule Lumumba, Odonga Otto, (FDC Aruu), Simon Oyet (FDC Nwoya) Elijah Okupa (FDC Kasiro) n’abalala obwedda buli akwata akazindaalo ng’olumala okusaasira Ssekikubo okufiirwa nnyina Gertrude Mary Kashomi Nassaza, ng’atandika kusaba balonzi b’e Lwemiyaga okumuyiira obululu.

 Bino byabadde ku eklesia y’Abasodookisi e Lwemiyaga wiiki ewedde mu kusabira omugenzi era we yaziikiddwa.

Yafiiridde mu ddwaaliro e Mulago mu kiro ekyakeesezza Olwokubiri ng’aweza emyaka 65. Yalese bba Sam Magwala ow’emyaka 104 egy’obukulu n’abaana mukaaga. Pulezidenti Yoweri Museveni yakiikiriddwa omuwabuzi we avunaanyizibwa ku bikwekweto eby’enjawulo Maj. Roland Kakooza Mutale eyazze ne baasi ya Muvumenti  ne bandi yaayo era n’awaayo amabugo ga bukadde busatu, ate omuwandiisi wa pulezidenti ow’ekyama Muky.Amelia Kyambadde n’akiikirirwa omuyambi we Hajjati Aisha Nalule Kabanda, eyakubagizza n’akakadde kamu.

Ate omumyuka wa Sipiika w’Olukiiko lwa Buganda Dr. Higiro Semajege n’akubagiza n’ente eyonsa n’ennyana yaayo.
Ababaka nga Dr. Baromunsi ne Muky. Muhanga baagambye nti omubaka okubeera owa NRM tekitegeeza kubeera sekibotte mu Palamenti amala gawagira buli gavumenti kyereeta nti ekyo kye kyasuula gavumenti za UPC.

Nti wabula alina okuba n’omugongo ng’agiwabula we kiba kyetaagisiza. Bannaabwe ab’oludda oluvuganya nga Odonga Otto, baagambye nti wadde Ssekikubo wa NRM kyokka abasula ku mwoyo.

Mw. Ssekikubo, omuyambi wa pulezidenti ku by’amateekka Muky.Kafurah Kabatsi ne ssentebe wa LC V e Ssembabule Mw.Herman Ssentongo baategeezezza nti omugenzki yafudde lwakuba abadde mweraliikirivu olw’okuvuganya okw’akaasameeme bonsatule kwe balimu mu  byobufuzi.

 

Ababaka bakuyegedde mu lumbe

More From The Author

Emboozi z’omuwandiisi endala

Emboozi endala

NABILLAH ABUUZIZZA ABA FDC ...

Mercy Walukamba, akulira akakiiko k’ebyekulonda mu kibiina kya NUP, yalangiridde Nabillah ku buwanguzi oluvannyuma...

Abaana nga balaba ttivvi.

Engeri omuzadde gy'olambika...

MU mbeera eno ng’abayizi basomera ku ttivvi kitegeeza nti ebbanga abaana lye bamala ku ttivvi lyeyongera. Ng’oggyeeko...

Obwongo bw'abaana abadda ku...

OLUVANNYUMA lwa Gavumenti okulangirira nti abayizi abamu baddyo okusoma nga October 15, 2020, abazadde baatandise...

VAR y'asinga amazima

Batunuulira nnyo ebisobyo mu ntabwe omuva okugaba peneti oba okugiggyawo, okugiddamu nga waliwo ekisobyo ekikoleddwa...

Dr. Donald Rukare (ku kkono) ne David Katende.

'Gavt. terina ssente zikebe...

ABAKUNGU b'ebibiina by'emizannyo bannyogogedde e Lugogo, Gavumenti bwe yakabatemye nti tejja kubawa ssente zikebeza...