SARAH Zawedde yategese omukolo ku Fairway Hotel mu Kampala ku Lwokutaano oluwedde.
Akabaga kano, yabadde ajaguza bbandi ye eya Zawee okuweza emyaka ebiri. Ku kabaga kano,
Olara Otunnu owa UPC naye yabaddeko. Mu kusooka, obwedda bakuba emiziki ng’alinga eyazze ku lumbe kubanga yabadde taseka.
Otunu ng'azina n'omuwala
Wabula ekiseera kyatuuse n’acamuka n’ava mu ntebe n’atandika okuzina. Yasoose kuzina n’omuwala omu nga bwe beekuba bbampu.
Ekyaddiridde, kukwatagana ne Sarah Zawedde ne babiibyamu. Ssaawa y’okugula obutambi bwe yatuuse, abawala okwabadde n’oli eyakubye Otunnu bbampu ne bamusalako.
Yeekuttekutte n’asikayo ssente ze tutaategedde. Naye kwabaddeko aka 10,000/-, 20,000/- ne 5,000/- abantu kye baayise okwekuula!
Zawedde acamudde Otunnu ne yeekuula akasente
