TOP

Disun Future aleese Tune za Raggae enkambwe

Added 24th August 2017

Disun Future aleese Tune za Raggae enkambwe

 Disun Future omuyimbi wa Raggae

Disun Future omuyimbi wa Raggae

Nze ssuubi lya Reggae myuziki mu Uganda”. Bwatyo omuyimbi Disun Future ng’amannya ge amatuufu ye Emmanuel Disun Mubiru bwatandika ng’ayogera ku enteekateeka z’alina okufuuka omuyimbi ow’erinnya n’okuddamu okusituula ekitibwa kya Reggae myuziki.

Ng’oggyeko okuyimba Disun musuubuzi atunda bya masannyalaze ku Kampala Road, mulimi ate mulunzi. Mutuuze w’e Ntinda, mutabani wa Betty Namuswe n’omugenzi Disun Mubiru e Mutundwe Kirinya Bigo mu Kanala zooni.

Wadde ayimba n’ebika bya myuziki ebirala, agamba amaanyi okusinga agatadde ku Reggae okumusitula addemu okufuuka omuyimbi ow’amaanyi mu ggwanga nga bw’ali mu mu mawanga amalala kubanga abayimbi nga Madoxx Ssematimba ayogerwako nga kabaka wa sitayiro ya myuziki ono emyaka gimuwuubidde akatambala.

Henry Tigana amaanyi gaamukenddera ate Bebe Cool ayitayo lumu na lumu. Okulaba nga afuna abawagizi ab’enjawulo, Disun ayimba mu nnimi ez’enjawulo okuli; Oluganda n’Olungereza. Twayogedde naye kubulamu bwe obwa bulijjo n’obwokuyimba era yaffe yatambudde bweti.

Bipya ki?

Mbadde mu ‘fumbiro’ nga malirizza alubamu yange empya eyitibwa Maama Africa (eriko enyimba eziweerako) era eno ngigasse ku nnyimba enddala nga Ggulawo, Never let me down, Kabuvubuka.

Lwaki Raggae myuziki wano mu ggwanga tavuga nnyo ng’ebika ebirala?

Obuzibu bwa bitone, abayimbi enaku zino baagala nnyo ebintu ebibanguyiira, ebyetaaga obudde n’okulowooza ennyo, okusengeka obubaka baabivaako ate omuyimbi wa Raggae alina ku ba wa mazima ekitali kubayimbi abasinga obungi.

Naye ogwe mu kulaba omalako era singa  ekirooto kyo kina kigana okutuukira?

Okututumula Reggae ngenda kukolera wamu n’abayimbi abamulimu. Ekirungi ayagalwa era ky’ova oloaba Madoxx wona gy'agenda bamuyaayanira.

Wano we bigana manyi ngya mufuna mu ebweru kubanga eyo wamaanyi.

Kifuufu abayimba Reggae muli bayaga.

Nedda ssebo ekyo mwakikwata bubi ate njagala okimanye nti ffe abasinga emipsa n’obukakkamu.

Okusoomozebwa kw’osanga?

Abantu bazibu okumatiza ate bangi tebasiima abamu balina ebikwata by’abayimbi be bamanyi.

Biki ebikunyiza ku nsike y’okuyimba mu ggwanga?

Okwekuba ‘enkokola’ kuyitiridde, abayimbi abanene bangi tebaagaliza bato olw’okutya okubavuganya n’okubayitako era olumu nkaluubirwa okwawuula wakati w’ensike y’okuyimba n’ebyobufuuzi.

Okwasaganya otya myuziki ne bizinesi enaddala z’okola?

Buli kimu nkiwa obudde, bizinesi ze zirikiriza okuyimba nga nyambibwako maneja wange Harriet.

Naye nga tomayikiddwa ate ng’olabika okuyimba okuluddemu?

Siri muntu nnyo wa kwesoma na ku beera mu bya kuvuganya ebbanga lyonna mabadde nkwata mpola ensonga z’okuyimba kubanga ninna kyenzimba ekinanzijjukirwako olubeera nga bw’olaba Philly Bongole Lutaaya n’abalala era kati ekiseera kyange okumanyika kituuse

Oli mufumbo?

Siri mufumbo ate sinoonya naye ekiseera kyonna njakubayita nga ngenda mu kkanisa.  

More From The Author

Emboozi z’omuwandiisi endala

Emboozi endala

Katikkiro Mayiga ng’atongoza ekitabo OMUGANDA KIKA. Akutte ekitabo ye Kyewalabye Male.

Katikkiro akunze Abaganda o...

KATIKKIRO wa Buganda Charles Peter Mayiga ayongedde okukubiriza abantu okuwandiika ebitabo by’olulimi Oluganda...

Anite (ku ddyo) ng’atwalibwa mu mmotoka ya poliisi eyamututte e Mukono. Mu katono ye Nakiguli eyattiddwa.

Eyatemudde mukwano gwe n'am...

POLIISI eyogezza omukazi eyasse mukwano gwe n’amubbako omwana e Mukono n’amutwalira muganzi we mu bizinga by’e...

Halima Namakula.

Halimah Namakula awakanyizz...

Omuyimbi Halimah Namakula si mumativu n'ebyavudde mu kulonda omubaka akiikirira abakadde b'omu Buganda n'alumiriza...

Philly Bongoley Lutaaya eyasooka okwerangirira mu Uganda nga bwalina siriimu.

▶️ Omututumufu ku Bukedde F...

Omututumufu;Leero tukuleetedde Uganda by'etuuseeko mu myaka 35 gavumenti ya Pulezidenti Museveni gy'emaze mu buyinza...

Everest Kayondo

▶️ Mu byobusuubuzi ku Buked...

Mulimu Ssentebe w'abasuubuzi Everest Kayondo ng'asaba okubaawo enteeseganya wakati w'abasuubuzi ne bannannyini...